Pagtanyag sa Maayong Balita—Uban sa Daandaang mga Basahon
1 Ang paghimog desisyon sa pagsimba sa Diyos maoy hinungdanon. Nagakahulogan kini sa atong kinabuhi. Busa, ang pagbaton ug kahibalo ug ang kaalam sa pagpadapat niana maoy mapuslanong tumong.—Prov. 23:23; Juan 17:3.
2 Aron makahupot ug kahibalo ug mouswag sa kaalam, kinahanglan kitang makugihong magtuon sa Pulong sa Diyos. Si Jehova dagayang nagahatag ug kahibalo ug kaalam ngadto kanilang tim-os nga nagapangita kaniya. Latas sa katuigan, siya nagtagana pinaagi sa iyang kapunongan ug dagayang mga basahon nga nagakobre ug daghang mga bahin sa kahibalo sa Bibliya. Kini mahimong dakong kaayohan ngadto sa daghan nga wala pa makaila kang Jehova.
KABILILHON SA DAANDAANG MGA BASAHON
3 Sulod sa Pebrero, daghan kanato ang motanyag sa daandaang 192-panid nga mga libro diha sa kanataran. Aduna ing bahandi sa impormasyon niining mga basahona nga bililhon sa espirituwal ngadto sa mga tawo. (Tan-awang Mateo 5:14-16.) Busa kita magapanlimbasog sa pagpahimutang sulod niining bulana sa tanang daandaang mga basahon nga basin ang atong kongregasyon aduna pa niana diha sa panudlanan.
4 Usa ka sister migasa sa iyang di-magtutuong bana ug usa ka daandaang basahon. Hangtod sa maong panahon siya walay gipakitang bisan unsang interes. Sa iyang kahibulong, iyang gihurot pagbasa ang libro sa usa ka gabii. Kini nakatukod sa iyang pagtuo nga siya mitambong sa sunod nga tigom sa kongregasyon ug mihangyog usa ka pagtuon sa Bibliya. Sulod sa tulo ka bulan, siya nagpakig-ambit na sa ministeryo sa kanataran ug karon bawtismado na.
BATONI ANG POSITIBONG TINAMDAN
5 Ayawg pakamenosa ang gahom sa Pulong sa Diyos nga gipasiugda niining daandaang mga basahon. Kon ang inyong kongregasyon walay bisan unsang daandaang 192-panid nga mga basahon, nan inyong ikatanyag ang librong Worldwide Security o bisan unsang mas bag-ong 192-panid nga mga libro sa amot nga ₱14.00.
6 Hinaot nga kitang tanan magpahimulos sa mabungahong ministeryo pinaagig pagpaambit sa kahibalo gikan sa Pulong sa Diyos uban niining daandaang mga basahon!