Pangandam sa Sinulat nga Repaso
1 Ang pinatik nga mga pangutana gilakip niini nga Atong Ministeryo sa Gingharian para sa sinulat nga repaso nga himoon sa kataposan sa Agosto. Tungod kay kini sayo pa ang matag usa mahatagan ug higayon sa pagdukiduki sa tinong impormasyon aron sa bug-os maandam.
2 Sa dihang tan-awon ang gisitar nga impormasyon nga niana gipasukad ang mga pangutana, ayawg markahi o sulati ang ‘question sheet,’ kay kining papela gamiton mo man sa pag-apil sa sinulat nga repaso. Hinumdomi nga ang Bibliya lamang ang mahimong tan-awon sa panahon sa sinulat nga pagsubli. Ang imong personal nga mga nota o ubang mga reperensiya dili gamiton sa maong panahon.
3 Sa panahon sa sinulat nga repaso, gikinahanglan mo ang separadong papel para sulatan sa imong mga tubag ngadto sa maong mga pangutana. Sulaying espisipiko ug mubo. Sanglit kay ikaw nakaandam na man daan, kini gayod dili na malisod. Sa dihang ipahibalo ang mga tubag sa magtatan-aw sa tunghaan, imong masayran kon ang imong mga tubag husto ba o dili.
4 Ang tanan mangandam gayod ug maayo alang sa Teokratikanhong Ministeryong Tunghaan sa matag semana. Paminaw ug maayo ug kutloa ang yawing mga puntos nga gipresentar diha sa plataporma. Tinoon sa magtatan-aw sa tunghaan nga ang tanang puntos nga pagatagdon sa sunod nga sinulat nga repaso sa tin-aw nga paagi ikabutyag.
5 Kining bag-ong kahikayan makatabang gayod kanato sa pagbenepisyo gikan sa sinulat nga repaso. Ang dugang panukiduki nga nalangkit makabulig man sa pagsilsil sa yawing mga puntos sa matin-aw nga paagi sa atong mga hunahuna, nga magpasangkap kanato nga mas pa alang sa ministeryo sa kanataran.