Pagbarog nga Malig-on Ingong Usa ka Panon

¹ Ang ‘special assembly day’ alang sa 1990 nga tuig sa pag-alagad aduna ing temang “Pagbarog nga Malig-on Ingong Usa ka Panon.” Kining temaha gipasukad sa Filipos 1:27. Ang programa sa buntag maglakip sa impormasyon maylabot sa panginahanglan sa pagbarog nga malig-on, mga tagana sa pagtabang kanato nga makabarog nga malig-on, mga panig-ingnan sa pagbarog nga malig-on, ug ang paagi nga kita makabantay batok sa makapahuyang nga mga impluwensiya. Adunay mga kahikayan sa bawtismo sa kataposan sa sesyon sa buntag. Ang bisan kinsa nga nagaplanong magpabawtismo kinahanglang mopahibalo sa nagadumalang magtatan-aw nga abante pa gayod aron ang mga kahikayan mahimo sa pagrepaso sa mga pangutana nga anaa sa Organisado sa Pagtuman sa Atong Ministeryo.

² Sa palis aduna ing sumarya sa Bantayanang Torre nga sundan sa pagpalig-on nga mahimong positibo sa ministeryo, instruksiyon bahin sa pagtabang sa uban sa ministeryo, ug mapuslanong tambag sa pag-abag kanato sa pagbarog nga malig-on diha sa usa ka espiritu. Karon sa tanang kapanahonan, gikinahanglan ang pagbarog nga malig-on ingong usa ka panon atubangan ni Jehova. Ang atong hiniusang pagbarog dapig sa matuod nga pagsimba magapanalipod kanato gikan sa mabahinbahinong mga puwersa nga misuhop sa kalibotan ni Satanas, ug kini magbutang kanato sa malig-ong kahimtang sa pagbulig sa uban nga moduyog kanato sa matuod nga pagsimba.

³ Palihog matikdi nga sulod sa semana sa espesyal nga asembliya, ang regular nga pagtuon sa Bantayanang Torre ug miting publiko dili himoon diha sa mga kongregasyon. Apan, ang Teokratikanhong Ministeryong Tunghaan, Tigom sa Pag-alagad ug Pagtuon sa Basahon sa Kongregasyon pagahimoon sumala sa naandan. Kini nagakahulogan nga ang mga kongregasyon nga nagahimo niining mga tigoma sa Domingo nagakinahanglan nga hikayon kini sa laing adlaw sulod sa maong semana.

⁴ Kining espesyal nga mga asembliyaha mosugod sa Marso, ug ang tanan kanato buot nga maghimog mga kahikayan nga makatambong sa maong interong adlaw.