Bag-ong Sirkitong Asembliyang Programa
1 Ang tema nga pagatagikon sa bag-ong sirkitong asembliyang programa sa pagsugod sa Pebrero mao “Magtukaw, Barog nga Malig-on, Magmakusganon.” Kini gipasukad sa mga pulong sa pagdasig ni Pablo sa 1 Corinto 16:13.
2 Ang programa magsugod pinaagig pagpatugbaw sa atong kanunayng panginahanglan sa espirituwal nga pagsusi-kaugalingon. Ang paghupot ug kusganong pagbarog kon unsa ang matarong niining “kataposang mga adlaw” nagaawhag sa pagpabili sa atong pakiglabot uban kang Jehova ug sa atong pagbarog uban sa iyang yutan-ong organisasyon. (2 Tim. 3:1) Kinahanglan tang pahimangnoan sa mga paagi sa pagpauswag sa atong Kristohanong mga hiyas ug sa paghupot ug sulundang panggawi.
3 Ang panginahanglang magmasiboton sa paghimog-tinun-an nga buluhaton samtang nagapangab-ot alang sa espirituwal nga pag-uswag ug kaakohan igapasiugda usab. Ang mapuslanong mga sugyot kon sa unsang paagi ang mga indibiduwal ug mga pamilya makahupot ug usa ka makanunayon espirituwal nga programa sa pagpakaon ipatugbaw usab diha sa nagkadaiyang mga pakigpulong, mga demonstrasyon, ug mga panaghisgot.
4 Sa Sabado ang takos nga mga kandidato makahimo sa pagpahayag sa dayag sa ilang dedikasyon pinaagig bawtismo sa tubig. Unya, sa Domingo kitang tanan buot nga maanaa alang sa pakigpulong publiko, nga nag-ulohag “Unsa man ang Imong Pagbarog Uban sa Diyos?”
5 Ang programa matapos uban ang pagdasig sa pagpabiling malig-on sa pagtuo, kanunayng makiglabot sa usag usa diha sa espiritu sa gugma ug kalinaw. Ang sirkitong asembliya maoy usa sa mga kahigayonan nga gitagana ni Jehova alang kanato sa ‘pagpasibot sa paghigugma ug sa maayong mga buhat.’ (Heb. 10:24, 25) Himoa ang tinong mga plano nga maanaa sa tibuok programa sa duha ka adlaw.