Pagtanyag sa Maayong Balita—Nga Mas Epektibo Pinaagig Pagpaminaw
1 Aron mahimong epektibo sa atong ministeryo, ato gayong ilhon nga walay duha ka tawo nga pareho. Ang kada usa aduna ing kaugalingon niyang personal nga mga kabalaka ug mga eksperiyensiya. Ang hagit mao ang pagpakita ngadto sa tawo nga atong gikasulti kon unsa ang kahulogan niana alang kaniya sa personal nga paagi. Aron mahimo kining epektibo, kita gayod maminaw pag-ayo.
2 Daghang magmamantala nagagamit ug mga pangutana sa ilang mga pasiuna, ug kini makabulig sa paglangkit sa tagbalay sa panaghisgot. Apan sa mosulti ang tagbalay, hinungdanon nga kita maminaw sa iyang ginasulti. Ang pagpaminaw nagabutyag sa sinilingang gugma ug pagtahod, ug sa pagbuhat niana atong masabtan ang panghunahuna sa maong tawo. Tungod kay nahibalo sa iyang mga kahimtang kita makaarang sa pagbaton ug empatiya, nga ibutang ang atong kaugalingon sa iyang dapit.
MAHIMONG MAPAHIANGAYON
3 Mitambag ang apostol nga si Pablo: “Tun-i ang labing maayong paagi sa pagpakigsulti sa kada tawo nga imong mahibalag.” (Col. 4:6, New English Bible) Bisan tuod dili ta matino sa abante kon unsa ang isulti sa usa ka tawo, kita sinati man sa mga problema nga ginaatubang sa katawhan karon. Busa, kita “makatuon” ug mahimong andam sa pagsanong sa lainlaing mga kahimtang.
4 Pananglitan, basin andam na kita nga mohisgot sa ulohan sa kalinaw, apan ang tagbalay mohisgot nga nawad-an siyag trabaho. Ato bang sayloan lang ang iyang komento? Dayag nga siya nabalaka bahin niana, ug busa angay nga batonan mo ang empatiya, nga nagapakitag tinuod nga kabalaka sa iyang kahimtang. Dayon sa kalulot tultolan ang iyang pagtagad ngadto sa mga teksto nga nagabutyag kon sa unsang paagi ang kagamhanan sa Diyos motaganag makatagbawng panarbaho.—Isa. 65:17, 21, 22, 24.
5 Tingali atong mahibaloan nga ang maong tawo sa di pa dugay nabiktima sa krimen o kaha nakasugamak ug inhustisya. Ang atong matinagdanong kabalaka hayan magpalumo sa iyang kasingkasing, nga magpaposibleng ipakita kaniya nga si Jehova nahibalo kaayo niining makapasakit nga mga gumonhap ug sa di madugay molihok sa pagwagtang sa tanang pagkadaotan.—Tan-awang librong Nangatarongan, mga panid 10, 12, 184-86 (pp. 10, 12, 229-31 sa Ingles).
6 Pinaagig pag-ugmad sa maayong batasan sa matinahorong pagpaminaw, kita sa mas pang epektibong paagi makatanyag sa maayong balita, nga nagasumbaliksilaw sa di-mahakogong interes ni Jehova nganha sa uban, ug makabulig sa uban sa pag-ugmad sa maayong relasyon uban sa atong mahigugmaong Maglalalang ug sa iyang katawhan.—Sant. 1:19; g74 11/22 p. 21-3.