Pangutana

◼ Kon ang tagbalay mohatag ug dakodakong donasyon, kinahanglan bang atong hatagan siyag dugang basahon?

Dili man kinahanglan. Magamit mo ang imong maayong panghukom niining bahina, nga nagadepende sa interes nga gipakita sa maong literatura. Sa sunod nga mga duaw, ang literatura nga haom sa panginahanglan sa tagbalay mahimong ibilin. Kon moinsister ang tagbalay nga mohatag pag dugang donasyon, kana sa mapasalamaton madawat man ug ihulog sa contribution box sa kongregasyon. Ibutang sa hunahuna nga ang mga donasyon nagasuportar sa lainlaing bahin sa atong tibuok-kalibotang buluhaton, nga nagalakip sa atong programa sa pagpanukod, mga misyonaryo, ug buluhatong espesyal payunir, nga dugang pa sa atong pagpatik ug mga basahon.