Kinahanglan ba nga Ako Padayong Mag-usab-usab?

Ang matag gula sa Atong Ministeryo sa Gingharian nagataganag nagkadaiyang mga presentasyon nga atong magamit sa dihang nagasangyaw. Daghang magmamantala ang masiboton sa pagkuhag bag-ong mga ideya ug nagagamit ug nagkalainlaing mga paagi. Ang Atong Ministeryo sa Gingharian nagapaigo niana pinaagig pagtaganag ubay-ubay nga mga sugyot sa matag bulan.

Hinuon, mahimo tingali, nga dili nimo bation ang panginahanglan sa padayong pag-usab-usab kon unsa ang imong gigamit. Sa kadugayan, hayan naugmad na nimo ang usa ka presentasyon nga imong gikahimut-an sa paggamit, ug nakakuha ka ug maayong mga resulta niana. Basin nagagamit ka lamang ug usa o duha ka teksto, sama sa 2 Pedro 3:13 o Pinadayag 21:4. Kon mao, wala kinahanglana alang kanimo nga kanunayng mag-usab-usab sa laing butang. Ang atong pangunang tumong mao ang pagpaambit sa paglaom sa Gingharian sa uban. Kon ikaw may bag-o ug madanihong presentasyon nga imong gipalabing gamiton ug nabatonan nimo ang maayong pagsanong niana, ayawg pagpanuko sa paggamit niana.