Bag-ong Programa sa Espesyal nga Adlawng Asembliya
1 Nganong ato gayong imantala ang maayong balita nga walay hunong? Unsa ang mga kinahanglanon sa pagkahimong magwawali sa maayong balita? Unsaon nga bisan ang mga hilomon o mga maulawon makapanikaysikay sa pagpaambit sa maayong balita sa uban? Kini ug ang uban pang makapalihok-hunahuna nga mga pangutana pagatubagon didto sa espesyal nga adlawng asembliyang programa nga magsugod sa Marso, uban sa temang “Takos Ingong mga Ministro sa Maayong Balita.”—2 Cor. 3:5.
2 Ang makapalig-ong mga kasinatian igaasoy sa mga batan-on kinsa mosaysay kon sa unsang paagi ilang napakigbisogan ang pagpit-os sa isigkaingon. Ang mga ginikanan hatagag mahigugmaong pagdasig sa panginahanglan sa pagbansay sa ilang mga anak ingong mga ministro sa Diyos. Ang tanan kanato mabuligan sa pagpabili sa panginahanglan sa pagsangyaw, uban sa mga panalangin sa atong kaugalingon ug kanila nga nagapatalinghog kanato.—1 Tim. 4:16.
3 Sa pagkamatuod ang bawtismo mahimong usa ka dakong puntos sa maong adlaw. Ang bisan kinsa nga nagatinguhang mabawtismohan didto sa espesyal nga adlawng asembliya kinahanglang magpahibalo niini ngadto sa nagadumalang magtatan-aw nga abante pa gayod aron siya aduna ing igong panahon sa paghikay alang sa mga ansiyano sa pagrepaso sa natudlong mga pangutana uban sa mga kandidato sa bawtismo.
4 Ang laing dakong puntos mao ang prinsipal nga pakigpulong nga ipahayag sa bisitang mamumulong. Kini nagaulohang “Takos ug Nasangkapan Ingong mga Ministro sa Diyos.” Upat ka lintunganayng mga tagana nga nagasangkap kanato ingong mga ministro pagahisgotan, ug ang pakigpulong nagalakip sa makapalig-on-pagtuo nga mga kasinatian.
5 Pagplano na karon sa pagtambong sa entirong programa. Paneguroang dapiton ang mga tawong interesado ug mga ginatun-an sa Bibliya aron sila usab makabenepisyo gikan niining adlaw sa teokratikanhong edukasyon. Niining paagiha atong maseguro nga kita sa “igo kuwalipikado” ingong mga ministro sa maayong balita.