Bag-ong Programa sa Espesyal nga Adlaw nga Asembliya

“Buhata ang Tanang Butang Tungod ug Alang sa Maayong Balita” mao ang tema sa bag-ong programa sa espesyal nga adlaw nga asembliya nga magsugod sa Pebrero. (1 Cor. 9:23) Ang maayong balita sa Gingharian mao ang labing importanteng balita nga madungog karong adlawa. Ang programa motabang kanato sa pagpabili sa talagsaong pribilehiyo nga atong nahuptan sa pagkahimong mga tigdala niining kahibulongang balita. Kini usab magpasibot kanato nga mopadayon sa pagmantala sa maayong balita nga walay hunong.​—Buh. 5:42.

Ang programa magpakita kanato kon unsaon paggamit ang atong teokratikanhong pagbansay sa bug-os aron atong malampos ang labing maayo diha sa ministeryo. Atong madungog gikan sa pipila kinsa nakahimog mga pagpasibo sa pagpalapad sa ilang pag-alagad, lakip ang mga batan-on nga nagahatag sa ilang tanang mahimo aron sa pagpakatap sa maayong balita.​—Itandi ang Filipos 2:22.

Ang lintunganayng pakigpulong, nga ipahayag sa dinapit nga mamumulong, magpasiugda sa panginahanglan alang kanato nga magpabiling “angayang piyalan sa maayong balita.” (1 Tes. 2:4) Kita matabangan sa pagsabot nga kon buot natong padayong mahuptan ang pribilehiyo sa pagpaambit sa maayong balita ngadto sa uban, kita kinahanglang padayong makakab-ot sa mga kinahanglanon ug mga sukdanan sa Diyos diha sa atong panghunahuna ug panggawi. Ang mga panalangin nga atong madawat tungod sa pagbuhat niini ipasiugda usab.

Ayawg sipyata kining hinungdanong programa. Ang bag-ong mga nagpahinungod nga buot mabawtismohan sa espesyal nga adlaw nga asembliya kinahanglang mopahibalo gilayon sa nagadumalang magtatan-aw. Dapita ang tanan nimong gitun-an sa pagtambong. Atong tugotan si Jehova sa paglig-on kanato sa pagbuhat sa tanang butang tungod ug alang sa maayong balita ug sa ingon magkompleto sa labing dakong buluhaton niining bahina sa Armagedon.