Pangandam Alang sa Buluhatong Magasin sa Abril
Ingon sa gihulagway sa atong 1996 Calendar, ang Panihapon sa Ginoo pagasaulogon niining tuiga sa Abril 2. Nadasig tungod niining dakong okasyon, tugoti ang matag usa ug ang tanan makig-ambit sa madasigong pagpanagtag sa magasin sa tibuok Abril. Pagkatukma-sa-panahong mga magasin ang atong gamiton! Ang Bantayanang Torre alang sa Abril 1 magapunting sa publikong pakigpulong sa distritong kombensiyon sa miaging tuig, “Dayega ang Hari sa Kahangtoran!” Ang Abril 15 nga Bantayanang Torre magsunod sa tema sa espesyal nga pakigpulong publiko sa miaging Abril, “Ang Kataposan sa Bakak nga Relihiyon Haduol Na.” Unya ang espesyal nga pakigpulong niining tuiga sa Abril 21, “Remaining Blameless Amid a Crooked Generation,” kinahanglang mohatag ug dugang panukmod sa atong buluhaton sa Gingharian. Ato unyang ipatugbaw sa Abril 22 Awake! ang ulohang “When Wars Will Be No More.”
Ingong pagsundal sa miaging Abril nga kampanya sa Kingdom News, niini nga Abril kinahanglang mahimong talagsaong bulan sa pagpanagtag sa magasin. Karon na ang panahon sa paghimog mga plano. Daghan ang gustong magpatala ingong mga oksilyare payunir. Ingong pagpangandam niini, ang ekstrang mga kopya sa mga magasin sa Abril kinahanglang orderon. Ang mga plano mahimong himoon alang sa mga Adlaw sa Magasin, uban sa tanang posibleng magpakig-ambit, sa buntag, sa udto, ug/o sa gabii. Tugoting ang tanan kanato “magmahimong magbubuhat sa pulong.” Ingon sa gitagna mahitungod sa Mesiyas sa Salmo 69:9, hinaot kita usab makaingon: “Ang tumang kasibot alang sa imong balay naglamoy kanako.”—Sant. 1:22; Juan 2:17.