Mga Amot Ngadto sa Sosyedad Nagapauswag sa Buluhaton sa Tibuok Kalibotan

Ingon sa gitagna sa Isaias 54:2, 3, ang putling pagsimba ni Jehova padayong nagalambo sa tibuok yuta. Kini nagalakip sa lainlaing mga dapit sa Aprika ug sikbit nga mga isla. Sa milabayng napulo ka tuig, ang mga pagpugong sa buluhaton sa Gingharian gikuha na sa Angola, Cameroon, Equatorial Guin­ea, Ethiopia, Madagascar, Malawi, Mozambique, ug Togo. Dinhing mga dapita ug sa ubang mga kayutaan diin ang umahan maoy puti na aron anihon, ginatos ka misyonaryo sa Gilead, mga graduwado sa Ministerial Training School, mga membro sa pamilyang Bethel, ug uban pa miabaga ug mga asaynment.​—Mat. 9:37, 38.

Dayag, ang pag-uswag sa matuod nga mga magsisimba diha sa organisasyon ni Jehova nanginahanglag pagtukod sa ginatos ka bag-ong Kingdom Hall. Adunay panginahanglan usab sa pagplano alang sa mga Assembly Hall ug bag-o o pagpadako sa mga pasilidad sa sanga. Ang pagpaluyo niining mga proyektoha sa pinansiyal nga paagi dili lamang sa Aprika kondili sa ubang mga bahin sa kalibotan usab nakagasto na ug dako kon unsa ang naamot ngadto sa tibuok-kalibotang buluhaton sa Sosyedad.

Ang mga hulagway ug mga dibuho sa duha ka panid niini nga pasukip mohatag kanimog pipila ka ideya kon unsa ang gipanlimbasogan sa Sosyedad nga kab-oton diha sa kanataran sa Aprika. Kon unsa ang gipakita mao ang pipila sa konstruksiyon nga ginahimo karon ug mga proyekto nga sugdan sa di-ma­dugay.

Pinaagig pagsusi sa tsart sa pag-alagad sa kanataran diha sa 1996 Yearbook, imong maaninaw ang mas maayong hulagway kon unsa ang ginahimo sa mga magmamantala niining mga nasora diha sa ministeryo. Talagsaong mga pag-uswag ang nahimo, ug ang potensiyal sa tingusbawan gibanaag diha sa talagsaong mga nanambong sa Memoryal. Kon huptan ta sa hunahuna kon unsa ang ginapalampos sa ubang mga kontinente usab, kini nagapamatngon kanato sa nabatonan ta gayong pribilehiyo sa pagsuportar sa matuod nga pagsimba diha sa materyal nga paagi.​—Luc. 16:9; 1 Tim. 6:18.

[Hulagway sa panid 3]

Kingdom Hall sa KwaZulu-Natal, South Africa, gitukod sa 9 ka adlaw

[Hulagway sa panid 3]

Ekonomikal nga precast Kingdom Hall sa Nigeria

[Hulagway sa panid 3]

Assembly Hall sa Mozambique nga may lingkoranan para sa 1,500, humanon sa kataposan sa 1996

[Hulagway sa panid 3]

Pasilidad sa sanga sa Mozambique, giandam puy-an sa tinghunlak sa 1996

[Hulagway sa panid 3]

Sanga sa Sierra Leone, naeskedyul nga matapos karong ting-init

[Hulagway sa panid 4]

Nakompletong open-sided nga Assembly Hall sa Mauritius, uban ang mga pasilidad sa sanga, mahuman sa tingpamulak sa 1997

[Hulagway sa panid 4]

Konstruksiyon sa sanga sa Zimbabwe

[Hulagway sa panid 4]

Open-sided nga Assembly Hall ug bag-ong sanga nga ginatukod sa Senegal

[Hulagway sa panid 4]

Bag-ong sanga sa Kenya, sa kabisera, Nairobi

[Hulagway sa panid 4]

Sanga sa Madagascar, humanon sa di-madugay

[Hulagway sa panid 4]

Giplanong mga tinukod sa sanga para sa Malawi