Pagkalipay Tungod sa Pag-uswag nga Gihatag sa Diyos
1 Ang mga Kristohanon sa unang siglo maoy masibotong mga magsasangyaw sa Gingharian. Sila nalipay sa dihang ang ‘mga kongregasyon padayong miuswag sa gidaghanon adlaw-adlaw.’ (Buh. 16:5) Ang ilang mainitong pagsangyaw mikaylap ngadto sa Asia, Uropa, ug Aprika, nga miresulta sa dagayang ani sa mga magtutuo.
2 Si Jesus nagtagna nga sa kataposang mga adlaw, ang pagsangyawng buluhaton moabot ngadto sa ‘tibuok gipuy-ang yuta ug sa tanang kanasoran’! (Mat. 24:14) Sulod sa 1996 nga tuig sa pag-alagad, kita padayong nakadawat ug mga taho sa kahibulongang mga pag-uswag ug bag-ong mga kinatas-ang mga magmamantala gikan sa mga kayutaan palibot sa globo. Daghang bag-ong mga kongregasyon ang naporma. Kining kusog nga pagtubo maoy hinungdan sa panginahanglan sa pagtukod ug ginatos ka bag-ong mga Kingdom Hall ug mga Assembly Hall maingon man ang pagpadako sa mga pasilidad sa ubay-ubayng sanga.
3 Ang Agosto 1996 nga Atong Ministeryo sa Gingharian nagtaho sa masangkaron nga buluhatong pagpanukod nga ginahimo sa Aprika. Ang susamang kalihokan ginahimo sa tibuok nga Latin Amerika. Sa 1996 nga tuig sa pag-alagad, ang Mexico nagtaho sa talagsaong kinatas-an nga 470,098 ka magmamantala ug aberids nga 600,751 ka pagtuon sa Bibliya, nga nanginahanglang tukoron ang 466 ka bag-ong kongregasyon! Ang pagpadako sa ilang mga pasilidad sa sanga gieskedyul nga mahuman sa hinapos sa 1998. Ang susamang pagtubo sa daghang uban pang kanasoran nagatugot sa walay hunong nga pagpanukod sa teokratikanhong mga proyekto sa nagkalainlaing matang.
4 Mahal ang bili sa konstruksiyon bisan diin, ug ang atong mga igsoon sa daghang kayutaan diyutay ang nabatonan aron makaamot sa materyal nga paagi. Bisan pa niana, sa ilang tumang kasibot sa pag-alagad kang Jehova, sila gayod nagatubo sa espirituwal maingon man sa dakong gidaghanon. Ang Proverbio 28:27 nagapasalig kanato nga “siya nga nagahatag sa kabos dili makulangan.” Ang atong kaandam sa pagtabang nga masaplan ang mga panginahanglan niining mga igsoona maingon man ang ubang gasto sa konstruksiyon moresulta sa “pag-angay-angay” sa materyal nga mga butang, nga magpaarang sa tanan nga makasinati sa kangaya nga nagasumikad sa paghatag ug sa kalipay nga nagasumikad sa pagkakita sa pag-uswag nga gihatag ni Jehova!—2 Cor. 8:14, 15; Buh. 20:35.
[Hulagway sa panid 4, 5]
Sanga sa Paraguay
[Hulagway sa panid 4, 5]
Sanga sa Ecuador
[Hulagway sa panid 4, 5]
Ginatukod nga Ekstensiyon sa Mexico
[Hulagway sa panid 4, 5]
Sanga sa Dominican Republic
[Hulagway sa panid 4, 5]
Sanga sa Brazil nga may Ekstensiyon
[Hulagway sa panid 4, 5]
Ginatukod nga Sanga sa Uruguay
[Mga hulagway sa panid 5]
Kasagarang menos-gastos nga mga Kingdom Hall sa Latin Amerika
1. Brazil
2. Nicaragua
3. Chile
4. Colombia
5. Mexico
6. Brazil
7. Peru
8. Venezuela
9. Mexico