Gikinahanglan​—20,000 Ka Oksilyare Payunir

Makaoksilyare Payunir Ka ba sa Marso? Abril? Mayo?

¹ “Gikinahanglan 1,000 ka Magsasangyaw” mao ang ulohan sa artikulong gipatik sa Abril 1881 nga isyu sa Watch Tower. Mihangyo kadto sa tanang dedikadong lalaki ug babaye, “ngadto kang kinsa gikasalig sa Ginoo ang kahibalo sa Iyang kamatuoran,” aron gamiton ang bisan unsang panahon nga ilang maarangan aron makaambit sa pagpakaylap sa kamatuoran sa Bibliya. Kadtong kinsa makahatag ug katunga o dugang sa ilang panahon diha lamang sa buluhaton sa Ginoo gidasig sa pagboluntaryo ingong kolportiyur nga mga tig-ebanghelyo​—ang mga mag-uuna sa mga payunir karong adlawa.

² Bisan tuod ang mga panahon nabag-o na sukad sa ika-19ng siglo, ang usa ka kamatuoran nagpabiling mao gihapon​—ang dedikadong mga alagad sa Diyos buot nga magpadayon sa paggamit sa mas dakong panahon kutob sa maarangan sa pagpakaylap sa maayong balita. Ang pag-alagad ingong oksilyare payunir nagatabang sa mga magmamantala sa kongregasyon aron pauswagon ang ilang pagkaepektibo samtang nagagahin sila ug ekstrang panahon sa ministeryo sa Gingharian.​—Col. 4:17; 2 Tim. 4:5.

³ Sukad pa sa pagkamugna niini, ang oksilyare nga pagpayunir ginatagamtam na sa linibong mga igsoong lalaki ug babaye. Ang kadasig niini mitubo ngadto sa gidaghanon nga ang kinatas-ang 21,567 ka oksilyare payunir ang nakab-ot sa Pilipinas niadtong Abril 1987! Sukad niadto, wala na kita makataho ug 20,000 ka oksilyare payunir sa usa ka bulan. Dili ba maayong butang ang pagsubli niining maayong paningkamot pinaagig pagpunting ug kapin sa 20,000 ka oksilyare payunir sa Marso, Abril, ug Mayo, 1997?

⁴ Amo kang dasigon nga himoong tumong nga tagamtamon ang oksilyare nga pagpayunir sulod sa usa o kapin pa sa mga bulan sa Marso, Abril, ug Mayo. Nganong ilakip ang Marso? Tungod kay niining tuiga ang Memoryal sa kamatayon ni Kristo matunong sa Dominggo, Marso 23. Wala na ing mas maayong paagi nga atong magamit ang mga semana una pa ang Memoryal kay sa pagpakig-ambit nga masiboton sa buluhaton sa pagsangyaw sa Gingharian nga gisugdan sa atong Ginoo ug Manunubos, si Jesu-Kristo. Uban ang dakong pagpamatuod nga ikahatag sa Marso, makadapit kitag daghang interesadong tawo nga moduyog kanato sa paghandom sa kamatayon ni Kristo. Ang Marso mahimong espesyal usab kay, sa unang higayon, atong itanyag ang bag-ong libro nga, Ang Sekreto sa Kalipay sa Pamilya. Dugang pa, ang bulan sa Marso adunay lima ka Sabado ug lima ka Dominggo, nga magtugot sa mas dakong kalihokan sa pag-alagad sa hinapos sa semana diha sa kanataran. Siyempre, sa mga bulan sa Abril ug Mayo, ang padayon nga masibotong paningkamot sa ministeryo magtugot kanato sa pagpaloap sa interes nga nakaplagan ug makasugod ug bag-ong mga pagtuon sa Bibliya sa balay, ginamit ang brosyur nga Unsay Gikinahanglan sa Diyos Kanato? Bug-os usab natong kobrehan ang atong teritoryo, ilabina sa mga hinapos sa semana, uban ang kinabag-ohang tukma-sa-panahon nga mga isyu sa Ang Bantayanang Torre ug Pagmata!

⁵ Kinsay Kuwalipikabo nga Mag-oksilyare Payunir?: Ang Organisado sa Pagtuman sa Atong Ministeryo, panid 114, nagasaysay: “Unsa ang imong personal nga mga sirkumstansiya, kon ikaw bawtismado, maayo ang dungog sa moral, makahikay sa pagkab-ot sa kinahanglanong 60 oras sa usa ka bulan nga gugolon sa ministeryo sa kanataran ug nagatuo nga ikaw makaalagad sa usa o dugang mga bulan ingong oksilyare payunir, ang mga ansiano sa kongregasyon mahimuot gayod sa pagtagad sa imong aplikasyon alang ning pribilehiyoa sa pag-alagad.” Mahikay ba nimo ang imong mga kalihokan aron makapahimulos niining pribilehiyoa sa Marso? Abril? Mayo?

⁶ Ang positibong tinamdan sa bahin sa mga lawas sa mga ansiyano, duyog ang kinasingkasing nga pagpaluyo sa uban pang mga magmamantala, makapahimo sa sanong niining panawaga sa 20,000 ka oksilyare payunir nga usa ka mahugyawong kalamposan. (Heb. 13:7) Ang tanang ulo sa pamilya gidasig nga tinoon kon unsa ka daghan sulod sa ilang panimalay ang makaduyog sa ranggo sa mga oksilyare payunir sulod sa usa o dugang pa sa umaabot nga mga bulan.​—Sal. 148:12, 13; itandi ang Buhat 21:8, 9.

⁷ Ayaw paghinapos dayon nga ang oksilyare nga pagpayunir dili nimo maabot tungod sa imong bug-os-panahong sekular nga trabaho, eskedyul sa tunghaan, mga responsabilidad sa pamilya, o ubang Kasulatanhong mga obligasyon. Alang sa pipila dili mahimong sayon ang pagpakig-ambit; apan, uban ang maayong organisasyon ug panalangin ni Jehova, sila molampos. (Sal. 37:5; Prov. 16:3) Tugoting ang tinguha sa pag-ambit sa payunir nga pag-alagad maoy mokontrol sa imong mga sirkumstansiya; ayaw tugoting ang imong mga sirkumstansiya maoy mokontrol sa imong tinguha sa pagpayunir. (Prov. 13:19a) Busa, uban ang kusganong gugma alang kang Jehova ug alang sa isigkatawo, daghan ang nakahimo sa pagpasibo sa ilang senemanang rutina sa kinabuhi aron mapadako ang ilang ministeryo sulod sa usa ka bulan o dugang pa. (Luc. 10:27, 28) Daghang panalangin ang maangkon alang niadtong mainitong maningkamot sa pag-alagad sa Gingharian.​—1 Tim. 4:10.

⁸ Kon Unsay Malampos sa Oksilyare nga Pagpayunir: Ang bug-os-kalag nga paningkamot nga himoon sa linibong mga alagad sa Diyos sa pag-oksilyare payunir moresulta sa usa ka dakong hugyaw sa pagdayeg kang Jehova. Samtang kining mga magmamantalaa sa Gingharian manlimbasog sa ilang kaugalingon sa pagpakaylap sa maayong balita ngadto sa dugang pang katawhan, labi pa silang mapasuod kang Jehova sa personal tungod kay sila makakat-on sa dugang pang pagsalig kaniya alang sa iyang espiritu ug panalangin.

⁹ Ang pagpakabaton ug oksilyare, regular, ug espesyal nga mga payunir nga aktibo sa atong taliwala magpatunghag usa ka piskay nga espiritu sa kalagsik diha sa kongregasyon. Ang ilang kadasig mananakod samtang ilang isaysay ang ilang mga kasinatian sa kanataran. Kini magtukmod sa uban sa pagsusi pag-usab sa ilang kaugalingong situwasyon aron makabaton sa napadakong pakig-ambit sa ministeryo. Usa ka sister nga nabawtismohan sa edad nga 70 anyos dihadiha misugod sa pag-oksilyare payunir sa mapinadayonong paagi. Sa dihang gipangutana pipila ka tuig sa ulahi kon ngano, sa iyang edad, nga siya naningkamot gihapon pag-ayo sa ministeryo ingon nga oksilyare payunir matag bulan, siya miingon nga gibati niya nga ang unang 70 anyos sa iyang kinabuhi maorag nausik, ug dili niya buot nga usikan pa ang bisan hain sa iyang nahibiling mga tuig sa kinabuhi!

¹⁰ Ang matag sumasalmot sa oksilyare payunir nga buluhaton makaugmad ug usa ka napauswag nga kahanas sa ministeryo. Usa ka batan-ong saksi miangkon: ‘Sa bata pa gayod tig-uban ko sa akong mga ginikanan sa ilang mga buluhaton sa pagsangyaw. Ang pag-alagad sa kanataran tinuod makalingaw. Bisan pa niana, miabot ang panahon nga akong naamgohan nga sa tunghaan ako lahi gikan sa kadaghanan. Dayon nahimong bakikaw alang kanako ang pagsulti sa isigkaestudyante bahin sa kamatuoran. Sa dihang nagsangyaw sa kabalayan, ako misugod sa pagkahadlok sa paghunahuna nga makasugat ug usa nga akong kaila sa tunghaan. Sa akong bahin sa hunahuna ko ang suliran mao ang kahadlok sa tawo. [Prov. 29:25] Human makatapos sa tunghaan, nakahukom ako nga sulayan ang pagpayunir sa temporaryong paagi. Ingong resulta, ang pagsangyaw nahimong madanihon kay sukad masukad. Wala na nako lantawa kini ingong makalingaw nga buluhaton, ni usa ka kabug-at. Ang pagkakita nga ang akong mga estudyante sa Bibliya miuswag sa kamatuoran, natagamtam ko ang pagbati sa halalom nga katagbawan ingong pamatuod nga si Jehova nga Diyos nagpaluyo sa akong mga paningkamot.’ Kining batan-ona mipadayon sa pag-alagad ingong regular payunir.

¹¹ Kon daghan ang mag-alagad ingong mga oksilyare payunir sa kongregasyon, usa ka bug-os nga pagkobre sa teritoryo moresulta. Ang igsoong lalaki nga nagadumala sa pagtudlog mga teritoryo makahangyog tabang sa mga oksilyare payunir sa pagkobre sa mga seksiyon nga tagsa rang masangyawan. Ang pagbalon ug paniudto ug paggahin sa tibuok adlaw nga pag-alagad makaarang sa mga oksilyare payunir sa pagtrabaho bisan sa lagyong kadaplinan sa teritoryo.

¹² Ang mga Ansiyano Kinahanglang Maghimog Abanteng mga Pagpanganbam: Sulod sa mosunod nga tulo ka bulan, ang mga kahikayan kinahanglang himoon aron makaeskedyul ug lainlaing matang sa buluhatong pagsangyaw sa lainlaing panahon sa semana, lakip na ang kahaponon ug kilumkilom, aron makaambit ang mas daghang maarangan. Ilakip ang mga yugto sa pagsangyaw sa kadalanan ug pagtrabaho sa negosyohanang teritoryo, nga dugang pa sa regular nga buluhaton sa kabalayan. Sa pagbuhat niana, ang mga ansiyano makatabang niadtong nanggipayunir nga makaambit sa pag-alagad duyog sa kongregasyon sa panahong praktikal kaayo ug kombenyente sa ilang eskedyul. Ang kongregasyon kinahanglang mapahibalo pag-ayo sa tanang kahikayan sa pag-alagad sa kanataran. Ang pagdumala sa mga tigom sa dayon na nga pagsangyaw kinahanglang organisado kaayo. Dugang pa, ang igong teritoryo kinahanglang mabatonan ug orderon dayon ang igong mga magasin ug ubang mga suplay sa literatura.

¹³ Planoha ang Imong Personal nga Eskebyul sa Pag-alagab: Usa ka igsoong lalaki, kinsa sa sinugdan mahadlokon bahin sa oksilyare nga pagpayunir, miingon: “Sayon ra man diay kaayo kini kay sa akong gihunahuna. Kini nagakinahanglan lamang ug usa ka maayong eskedyul.” Sa luyong panid niini nga pasukip, imo bang nakita ang sampol sa eskedyul sa oksilyare payunir nga praktikal alang kanimo? Ang pag-eskedyul ug 15 ka oras sa matag semana alang sa ministeryo mao ang kinatibuk-an nga panahon nga gikinahanglan sa mga oksilyare payunir.

¹⁴ Aron makaalagad ingong mga oksilyare payunir, ang mga asawa ug kadtong nagatrabaho sa mahapon ug magabii kasagarang makaeskedyul sa ilang pag-alagad sa kanataran sa mga buntag. Ang mga kabataang nagatungha ug kadtong nagatrabaho tali sa tungatunga sa gabii ug sa sayo sa buntag kasagarang makadeboto sa mga kilumkilom sa buluhaton sa pagsangyaw. Ang bug-os-panahong sekular nga mga trabahante nakakaplag nga posible ang dili pagtrabaho ug usa ka adlaw sa usa ka semana o sa pagdeboto sa tibuok mga hinapos sa semana sa ministeryo, dugang pa sa paghimo ug pagsangyaw sa gabii. Daghan kansang pag-alagad sa kanataran kasagarang limitado kaayo sa hinapos sa semana nga buluhaton nagapili sa mga bulan nga may lima ka Sabado ug mga Dominggo. Tinuod kana sa Marso, maingon man sa Agosto ug Nobyembre 1997. Ginamit ang blangkong eskedyul sa panid 6 nga gitagana ingong giya, hatagig maampingon ug mainampoong pagpamalandong kon unsay praktikal nga personal nga eskedyul sa pag-alagad alang sa imong indibiduwal nga kahimtang.

¹⁵ Ang usa ka bentaha sa tagana sa pag-oksilyare payunir mao ang pagkamanunoton niini. Makapili ka sa mga bulan nga ikaw makapayunir, ug ikaw makaalagad nga masubsob ingon sa imong gusto. Kon buot kang mag-oksilyare payunir sa mapinadayonong paagi apan dili makahimo niana, nahunahunaan mo na ba ang pagpatala sa kada ikaduha ka bulan sa tibuok tuig? Sa laing bahin, ang pipila nakaarang sa pag-alagad ingong mga oksilyare payunir sa mapinadayonong mga yugto sa panahon.

¹⁶ Usa ka Tikanganan Ngabto sa Bug-os-Panahong Pagpayunir: Daghan kinsa adunay espiritu sa pagpayunir buot nga mag-alagad ingong mga regular payunir, apan sila nagaduhaduha kon aduna ba sila ing panahon, mga sirkumstansiya, o kusog alang niana. Sa walay duhaduha kadaghanan niadtong kinsa karon regular nga nagapayunir naghimo una sa oksilyare payunir nga pag-alagad ingong tikanganan ngadto sa bug-os-panahong buluhaton. Pinaagig pagdugang ug usa ka oras lang sa matag adlaw, o usa ka tibuok adlaw sa matag semana diha sa oksilyare payunir nga eskedyul sa usa, posible nga matuman ang eskedyul sa regular payunir. Aron masusi kon kana posible alang kanimo, nganong dili sulayan ang pagdeboto ug 90 oras diha sa ministeryo sulod sa usa o dugang pang mga bulan sa oksilyare nga pagpayunir? Sa samang panahon, makaugmad ka ug mga balikduaw ug mga pagtuon sa Bibliya, nga magtugot kanimo sa pagtagamtam sa usa ka timbang nga ministeryo sa payunir.

¹⁷ Usa ka sister nakapahimulos ug unom ka tuig sa padayong oksilyare nga pagpayunir. Sa katibuk-an nianang panahona maoy iyang tumong ang pagsulod sa regular payunir nga pag-alagad. Nianang maong tumong, gisulayan niya ang upat ka lainlaing sekular nga mga trabaho sa paglaom nga makahimog kahimtang nga makatabang kaniya sa pagkab-ot sa 90-oras nga kinahanglanon sa mga regular payunir. Matag bulan, mihimo siyag usa o duha ka eskedyul aron mabanabana kon posible ba kadto. Apan sa pagsusi niini, iyang gibati nga ang bug-os-panahong ministeryo dili niya makab-ot. Sa gihapon, siya padayong naghangyo kang Jehova alang sa iyang pagtultol. Dayon, usa ka adlaw samtang nangandam sa Tigom sa Pag-alagad, nabasa niya ang artikulo sa Oktubre 1991 nga Atong Ministeryo sa Gingharian nga nag-ingon: “Inay kay tagdon ang hilabihang pagpasiugda sa kinahanglanon sa oras, nganong di puntingon ang pagtagad sa dugang kahigayonan sa pag-ambit sa buluhatong pagpanigom? (Juan 4:35, 36)” Siya nagsaysay: “Akong gibasa pag-usab kini nga tudlingpulong kalima o kaunom ka higayon, ug nakaseguro gayod ako nga kini mao ang tubag ni Jehova. Nianang higayona ako nakahukom sa pagsulod sa regular payunir nga pag-alagad.” Bisan tuod dili maayo kaayo ang iyang eskedyul sa di-bug-os-panahon nga sekular nga trabaho, iyang gitunol ang iyang aplikasyon sa regular payunir. Usa ka semana sa ulahi ang iyang eskedyul nausab, ug siya gihatagan ug mga oras sa sekular nga trabaho nga husto gayod alang kaniya. Siya nagkanayon, “Di ka ba mouyon nga kini maoy panalangin ni Jehova?,” ug midugang: “Kon mangayo ka ug giya kang Jehova ug imong madawat kana, ayaw kana talikdi​—dawata kana.” Kon maoy imong mainitong tinguha ang pagregular payunir, tingali sa pagkatapos sa tulo ka bulan sa oksilyare nga pagpayunir niining Marso, Abril, ug Mayo, ikaw makombinsir nga ikaw molampos usab diha sa bug-os-panahong ministeryo.

¹⁸ Kita makaseguro nga si Jehova magapanalangin sa kasibot ug magapaluyo sa mga paningkamot sa iyang katawhan samtang sila magapahayag sa maayong balita sa kaluwasan sulod niining espesyal nga buluhaton sa panahon sa ting-init. (Isa. 52:7; Roma 10:15) Mosanong ka ba sa awhag sa 20,000 ka oksilyare payunir pinaagig pagpakig-ambit sa Marso? Abril? Mayo?

[Kahon sa panid 3]

Kon Unsaon Paglampos Ingong Oksilyare Payunir

■ Magmasaligon nga makahimo ka nga magmalamposon

■ Pag-ampo kang Jehova nga panalanginan ang imong mga panikaysikay

■ Dapita ang laing magmamantala nga magpayunir uban kanimo

■ Planoha ang praktikal nga eskedyul sa pag-alagad

■ Pag-order ug igong suplay sa mga magasin

■ Suportahi ang mga kahikayan sa pag-alagad sa kongregasyon

■ Pangitag mga kahigayonan sa pagsangyaw nga di-pormal