Pahimuslig Maayo ang Pagtungha

¹ Ang atong mga batan-on nagtungha na karon ug kapin sa duha ka bulan. Bisan tuod adunay pipila ka hagit ug mga kabalaka nga nalangkit sa pagbalik sa tunghaan, aduna usab ing daghang kaayohan nga makuha sa mga batan-on nga mopadapat sa ilang kaugalingon aron makapahimulos pag-ayo sa ilang edukasyon.

² Ang maayong paninugdang edukasyon makaamot sa espirituwal nga pag-uswag sa usa. Ang mahimo sa usa sulod sa iyang pagkabatan-on adunay dakong kalabotan kon unsay iyang malampos ingong adulto. Bisan maylabot sa pag-eskuyla, “bisan unsay ginapugas sa usa ka tawo, kini usab iyang anihon.” (Gal. 6:7) Ang mga batan-on nga makugihon sa pagtuon sa ilang mga leksiyon sa tunghaan makabaton ug mga katakos nga makapahimo kanilang mas mapuslanon ngadto kang Jehova.

³ Ang maampingong pagpamalandong gikinahanglan sa paghimog hustong mga pagpili sa mga kurso sa pag-eskuyla. Ang mga ginikanan kinahanglang motabang sa ilang mga anak sa pagpili niining mga kursoha nga magtanyag sa labing praktikal nga pagbansay aron makab-ot ang espirituwal nga mga tumong sa kinabuhi. Pinaagig pag-ugmad sa ilang mga kahanas, ang mga batan-on makabentaha nga makaarang sa pagsuportar sa ilang kaugalingon diha sa payunir nga buluhaton. Ang ilang paninugdang edukasyon kinahanglang makatabang kanila sa pagdayeg kang Jehova nga walay sapayan kon asa sila mag-alagad.

⁴ Mga batan-on, panlimbasog nga makapahimulos ug maayo sa inyong katuigan sa pagtungha. Sa pagbuhat sa ingon, isentro ang pagkinabuhi diha sa labing makahuloganon ug makapatagbawng kinabuhi sa sagradong pag-alagad, inay kay kab-oton ang kalibotanong karera. Panikaysikay sa paggamit sa inyong kinabuhi nga nagabuhat sa kabubut-on ni Jehova. Nga sa ingon, kamo magmalamposon sa inyong dalan, ngadto sa kadayeganan ni Jehova.​—Sal. 1:3.