Maayong Balita Diha sa Internet

Sa atong panahon, ang pipila ka tawo mokuhag impormasyon gikan sa elektronikong mga tinubdan. Busa ang Sosyedad nagbutang sa Internet ug pipila ka tukmang impormasyon bahin sa mga pagtulon-an ug mga kalihokan sa mga Saksi ni Jehova.

Ang atong Web site sa Internet adunay adres nga http://www.watchtower.org ug naundan sa piniling mga tract, mga brosyur, ug mga artikulo sa Watchtower ug Awake! sa Ingles ug ubang mga pinulongan. Ang mga publikasyon niini nga Web site nabatonan na pinaagig mga kongregasyon ug gigamit na diha sa ministeryo. Ang katuyoan sa atong Web site mao ang paghimo sa impormasyon nga mabatonan sa publiko diha sa elektronikong pormat. Walay panginahanglan alang ni bisan kinsang indibiduwal nga mag-andam ug mga panid sa Internet bahin sa mga Saksi ni Jehova, sa atong mga kalihokan, o sa atong mga pagtulon-an. Ang atong opisyal nga site magtanyag ug tukmang impormasyon alang ni bisan kinsang buot niana.

Bisan tuod ang atong site walay tagana alang sa electronic messages (E-mail), maglista kini sa mga adres sa koreyo sa mga sanga sa Sosyedad libot sa globo. Busa ang mga tawo makasulat aron sa pagbaton ug dugang impormasyon o sa pagdawat ug personal nga tabang gikan sa lokal nga mga Saksi. Mahimong libre nimong ikapaambit ang adres sa Internet sa ibabaw ngadto ni bisan kinsa nga tingali makiling sa pagsugod pagkat-on sa kamatuoran sa Bibliya gikan niini nga pormat.