Ang Bibliya—Giya sa Diyos Alang sa Tanang Katawhan
1 Ang Gibanabanang Upat Ka Bilyong (4,000,000,000) Bibliya Ang Napatik Na Sa Kapin Sa 2,100 Ka Pinulongan Ug Mga Diyalekto, Nga Naghimo Sa Pulong Sa Diyos Nga Mabatonan Sa Kapin Sa 90 Porsiyento Sa Populasyon Sa Yuta. Apan, Adunay Nagalungtad Nga Usa Ka Gutom Sa Kalibotan Sa “Pagpatalinghog Sa Mga Pulong Ni Jehova.” (Amos 8:11) Daghang Tawo Nga May Kopya Sa Bibliya Mahimong Wala Magbasa Niana O Wala Makasabot Sa Mga Kaundan Niana. Sa Unsang Paagi Atong Madasig Sila Sa Paggamit Sa Bibliya ingong Usa Ka Praktikal Nga Giya Sa Ilang Kinabuhi?
2 Sa Disyembre Atong Itanyag Ang Libro Nga Ang Bibliya—pulong Sa Diyos O Sa Tawo? Diin Ang Interes Makaplagan, Ikatanyag Ta Usab Ang Hubad Sa Bibliya Nga Nakabenepisyo Kanato Sa Miaging 47 Ka Tuig (4 ka tuig sa Cebuano)—Ang New World Translation. Mahimo Kini Pinaagi Sa Pag-ilustrar Sa Tin-aw, Modernong Pinulongan Niini. (Tan-awa “Ang Tibuok Kasulatan” nga libro, panid 328, parapo 6.) Atong Ipasundayag Ang Atong Maidlot Nga Pagpabili Alang Niining Gasa Gikan Kang Jehova Pinaagig Mainitong Pagtabang Sa Uban Sa Pagdawat Sa Bibliya Ingong Giya Sa Diyos Alang Sa Tanang Katawhan.
3 Imong ikapaila ang presentasyon pinaagi sa paggamit sa tract nga “Kon Nganong Ikaw Makasalig sa Bibliya.” Ikaw hayan makaingon:
◼ “Bisan tuod ang Bibliya mabatonan sa kapin sa 90 porsiyento sa populasyon sa kalibotan, pipila ka tawo nagabasa niana sa regular. Sa imong hunahuna unsay katarongan niana?” Basaha ang unang duha ka parapo sa tract, uban sa 2 Timoteo 3:16. Itanyag ang Pulong sa Diyos nga libro. Kon dumilian ang libro, hangyoa ang tagbalay sa pagbasa sa nahibilin sa tract. Ipasiugda ang kataposang sub-ulohan, “Pagtagna sa Umaabot.”
4 Sa dihang mobalik sa mga tawong imong nabinlan sa tract nga “Kon Nganong Ikaw Makasalig sa Bibliya,” hayan imong masulayan kini:
◼ Tapos ipaila pag-usab ang imong kaugalingon, basaha ang kataposang duha ka parapo sa tract. Suknaa ang tagbalay kon iya na bang napamalandong ang posibilidad sa pagkinabuhi sa walay kataposan sa yuta. Tapos niyang matubag, ingna: “Ang mga Saksi ni Jehova nakatino nga ang tanang tagna nga makaplagan sa Bibliya mamatuman, lakip nianang nagtagna sa usa ka kahibulongang ugma-damlag alang sa tanang katawhan nga makakab-ot sa mga kinahanglanon sa Diyos.” Ipakita ang ilustrasyon sa panid 13 sa brosyur nga Gikinahanglan, baliki ang leksiyon 5, ug tanyagi nga hisgotan ang mga tubag sa nalistang mga pangutana, nga sa ingon nagasugod sa usa ka pagtuon.
5 Sa teritoryo diin relihiyoso ang mga tawo, masulayan mo kining unang paagi:
◼ “Kami nagadasig ug mas dakong pagtahod sa Bibliya. Daghang pamilya adunay Bibliya, apan talagsa ra nilang konsultahon kana sa dihang sila adunay seryosong mga suliran. Namatikdan ba nimo kini? [Tugoting motubag.] Tingali nagtuo silang kinaraan ang Bibliya. Kining libroha, Ang Bibliya—Pulong sa Diyos o sa Tawo?, nagahatag ug makapatuong pamatuod nga ang Bibliya tukma sa siyentipikanhong paagi ug nga kini nagataganag praktikal nga mga tubag sa agpasonon nga mga suliran karon.” Ipasiugda ang pipila ka puntos gikan sa kapitulo 8 o kapitulo 12 sa libro, ug dayon itanyag kana.
6 Sa dihang magpaloap sa napahiluna nga “Pulong sa Diyos” nga libro, ikaw makaingon:
◼ “Sa akong kataposang duaw kanimo, atong nahisgotan kon sa unsang paagi ang Bibliya makatabang sa pagsulbad sa lisod nga mga suliran karon. Kadtong kinsa midawat niana ingong Pulong sa Diyos natabangan usab sa pagpuyong mas malipayon, mas kontentong mga kinabuhi. Buot nakong ipakita kanimo ang usa sa praktikal nga mga prinsipyo sa Bibliya nga gisaysay sa libro nga akong gibilin kanimo.” Hisgoti ang usa sa Kasulatanhong mga prinsipyo nga makaplagan sa kapitulo 12, mga parapo 3-6, ug tiklopi pinaagig pagbasa sa parapo 7. Kon may interes nga gipakita, tanyagig pagtuon sa Kahibalo nga libro o sa Gikinahanglan nga brosyur.
7 Ang mosunod nga presentasyon hayan makapainteres sa edarang mga tawo:
◼ “Dihay panahon nga ang Bibliya gibasa sa kadaghanang panimalay ug sa dihang ang mga pamilya nagkinabuhi sumala sa mga prinsipyo niini. Tinuod ba kini sa imong pamilya? [Tugoting motubag.] Karon, daw daghan ang napugngan pag-ayo sa paggahin ug panahon sa pagbasa sa Bibliya o ilang gibati nga ang moral nga mga prinsipyo niini kinaraan na. Ang kapitulo 13 niining libroha, Ang Bibliya—Pulong sa Diyos o sa Tawo?, nagapakita sa tulo ka tinuod-kinabuhing mga kasinatian sa mga indibiduwal kansang mga kinabuhi nabag-o tapos magtuon sa Bibliya. Kon buot kang mobasa kon giunsa sa gahom sa Pulong sa Diyos pagtabang kanila, malipay ako sa pagbilin niining libroha kanimo.”
8 Sa pagbalikduaw, ikaw makaingon:
◼ “Sa atong ulahing panaghisgot, kita nagkauyon nga ang moral nga mga prinsipyo sa Bibliya wala panumbalinga sa katilingban karon. Ang maong pagsalikway makapabalaka ba kanato? [Tugoting motubag.] Gipabilhan pag-ayo ni Jesu-Kristo ang pagkuhag kahibalo sa Bibliya.” Basaha ang Juan 17:3. Dayon ipaambit ang parapo 5 sa kapitulo 1 diha sa Kahibalo nga libro. Isaysay ang atong libreng programa sa pagtuon sa Bibliya, ug tanyagi nga ipasundayag kana dihadiha dayon.
9 Pag-ampo nga si Jehova magpanalangin sa tanan nimong mga paningkamot sa pagtagad sa Bibliya—ang giya sa Diyos alang sa tanang katawhan.