1998-99 “Iya sa Diyos nga Dalan sa Kinabuhi” Distritong mga Kombensiyon
1 Ang Proverbio 10:29 nagpahinumdom kanato nga “ang dalan ni Jehova maoy usa ka malig-ong salipdanan.” Pagkatukma sa tema sa kombensiyon niining tuiga—“Iya sa Diyos nga Dalan sa Kinabuhi”! Unsaon man gayod pagtagik kining temaha sa tibuok tulo ka adlaw nga programa? Kitang tanan nagalantaw sa unahan nga mahinamon kon unsay giandam.
2 Ang mga misyonaryo, internasyonal nga mga alagad, o ubang nagaalagad diha sa langyawng mga asaynment mahimong motambong sa pipila ka kombensiyon niining tuiga. Sila mahimong interbiyohon sa programa. Ang programa sa kombensiyon magpasiugda usab sa mga taho kon sa unsang paagi si Jehova nagapanalangin sa buluhaton sa nagkalainlaing mga teritoryo.
3 Takos ang Paningkamot sa Pagtambong: Daghan sa atong mga igsoon sa Aprika nakasinatig mga kalisdanan tungod sa gubat ug kasamok nga nagakahitabo sa pipila ka bahin niana nga kontinente. Ilang gilantaw ang mga kombensiyon sa katawhan ni Jehova ingong ilang panalipod sa kinabuhi. Ang uban kinahanglang mobaktas ug lagyong mga distansiya aron motambong ug kombensiyon, apan wala sila maghunahuna nga palabyon ang usa. Usa ka 73 anyos nga igsoong lalaki sa Demokratikong Republika sa Congo (kanhi Zaire) mibaktas ug mga 450 kilometros aron motambong ug kombensiyon. Siya midangat 16 ka adlaw human sa iyang paggikan, nanghubag ang mga tiil, apan malipayon nga atua didto. Human sa kombensiyon, malipayon kaayo ug napalig-on sa espirituwal, mipauli siyang nagbaktas. Mao na kini ang iyang rutina sa daghang tuig!
4 Sa Mozambique usa ka magtatan-aw sa distrito ug iyang asawa mitungas sa usa ka hataas nga bukid ug mitabok sa usa ka dako samag-desyertong dapit nga nagbaktas aron makatambong sa usa ka sirkitong asembliya. Ilang nahimo ang 90-kilometrong panaw sa 45 ka oras. Ang tanang nanambong nadasig pag-ayo sa maayong panig-ingnan niining magtiayona. Daghang nanambong nga mga pamilya naghimo sa samang mga paningkamot sa pagtambong. Ang magtatan-aw sa distrito nagtaho nga ang ubang mga igsoon, lakip ang usa ka 60 anyos, mipanaw ug 200 kilometros nga nagbaktas!
5 Nakahimo ka na bag tinong mga plano sa pagtambong sa kombensiyon niining tuiga? Tingali dili ka na mobaktas ug lagyong mga distansiya, apan ang pipila ka paningkamot ug sakripisyo gikinahanglan aron ikaw ug ang imong pamilya makatambong. Hikaya nga makatambong sa tibuok nga programa gikan sa pagsugod hangtod sa pagkatapos. Daghang estudyante sa Bibliya ang nagauswag ngadto sa dedikasyon. Ang ilang pagtambong sa kombensiyon makatabang kanila sa paghimog hustong desisyon. Imo na bang gidapit ang imong mga estudyante sa Bibliya ug ubang mga interesado sa pagtambong uban kanimo?
6 Tulo ka Ablaw nga Programa: Niining tuiga ang programa ipresentar sa 51 ka kombensiyon sa Pilipinas. Ang mga petsa ug mga dapit niini gilista sa kataposan niini nga pasukip. Sa pagkakaron nasayod ka na kon haing kombensiyona natudlo ang imong kongregasyon.
7 Espesyal nga Pahimangno: Ilabinang hinungdanon alang sa mga kombensiyon sa Metro Manila niining tuiga nga ang tanan nianang dapita motambong lamang sa kombensiyon nga ang ilang kongregasyon natudlo. Maghimo kitag unom ka sunodsunod nga mga kombensiyon sa Assembly Hall sa Quezon City. Ang tigomanan aduna lamay limitadong kapasidad ug busa kadto lamang natudlo sa usa ka partikular nga hinapos sa semana ang angayng motambong unya, aron malikayan ang paghuot. Ang mga sirkito nga natudlo sa matag kombensiyon gipakita sa Septiyembre nga Atong Ministeryo sa Gingharian. Ang imong pagtahod ug kooperasyon niini nga mga kahikayan magseguro nga ang tanang butang mahimong hapsay ug pinaagig kahikayan.—1 Cor. 14:33, 40.
8 Sa Biyernes ug Sabado, ang programa magsugod sa alas 8:30 s.b. Sa Dominggo kini magsugod sa alas 9:00 s.b. Sa Biyernes ug Sabado, ang programa matapos sa alas 5:00 s.h., ug sa Dominggo, sa alas 4:00 s.h.
9 Samtang kita mobiyahe ngadto-ngari sa kombensiyon, angay kitang mangitag mga higayon sa paghimog di-pormal nga pagsangyaw. Ang mga katabang sa gasolinahan, mga tindero/tindera, ug mga tigsilbi mahimong interesado sa mensahe sa Gingharian. Pangandam niini pinaagi sa pagdalag mga tract, bag-ong mga magasin, mga brosyur, o ubang literatura diha kanimo, aron mapahimuslan mo ang mga kahigayonan sa pagsangyaw sa mga tawo nga tingali dili maabot sa maayong balita sa laing paagi.—2 Tim. 3:17.
10 “Hatagig Pagtagab Giunsa Ninyo Pagpamati”: Ang mga delegado sa kombensiyon maalamon nga mosunod sa tambag nga makaplagan sa Lucas 8:18. Ang tanan gidasig sa pagdalag Bibliya, maingon man alawiton ug kuwaderno. Paminaw pag-ayo sa yawing mga punto gikan sa matag presentasyon, ug paghimog mugbong mga nota. Suknaa ang kaugalingon kon sa unsang paagi ikaw makahimog personal nga pagpadapat sa materyal. Sa matag gabii sa kombensiyon, una ka pa matulog, nganong dili sublion ang imong mga nota ug susihon kon unsa ka suod nga ikaw nagasunod sa iya ni Jehova nga dalan sa kinabuhi.—Prov. 4:10-13.
11 Namatikdan nga panahon sa mga sesyon, ang uban mobiya sa awditoryum ug molingkod diha sa ilang mga sakyanan, busa napakyas sa presentasyon sa programa. Ang uban namatikdang naglakawlakaw nga walay tumong diha sa mga agianan dihang sila angay untang naglingkod didto sa awditoryum ug naminaw. Ang mga grupo sa mga batan-on nakitang namiya sa lugar sa kombensiyon sa pagkahapon. “Ang kasaligan ug mabuot nga ulipon” naggahin ug dakong panahon ug paningkamot sa pagtaganag maayong instruksiyon, nga gikinahanglan natong tanan. (Mat. 24:45) Maayo kon atong sundon ang tambag ni Pablo: “Gikinahanglan nato nga mohatag ug labaw pa kay sa kasagarang pagtagad sa mga butang nga atong nadungog, aron dili gayod kita maanod.” (Heb. 2:1) Ang pipila sa mga alagad ni Jehova sa nangaging mga panahon nakahimog seryosong mga sayop sa ilang mga kinabuhi tungod kay wala sila maminaw pag-ayo sa mga pahinumdom ni Jehova. Buot gayod natong likayan ang paghimo sa samang kasaypanan.—2 Hari 17:13-15.
12 Panapot nga Magpasibungog Kang Jehova: Niining lisod nga mga panahon, gikinahanglan nato nga mohatag ug labaw pa kay sa kasagarang pagtagad aron dili kita maimpluwensiyahan sa espiritu niining kalibotana. (1 Cor. 2:12) Ang atong pamesti ug pamostura kinahanglang makasaranganon ug kinahanglang magsumbalik-silaw sa dignidad sa Diyos nga atong gisimba. (1 Tim. 2:9, 10) Ang mahalong besti dili kinahanglanon aron malakip niadtong kinsa ‘magdayandayan sa pagtulon-an sa atong Manluluwas, ang Diyos.’ (Tito 2:10) Matikdi ang maayong pamostura sa pamilya nga gihulagway sa atubangan sa Septiyembre 15, 1997, nga isyu sa Ang Bantayanang Torre. Dili ikaduhaduha kon kinsay ilang gihawasan! Ayaw gayod pakamenosa ang puwersadong pagpanaksi nga atong ikahatag pinaagig pagpamesti sa paagi nga magpasidungog kang Jehova.
13 Usa ka 16-anyos nga Saksi miasoy nga sa dihang siya ug ang iyang igsoong lalaki miadto sa restawran usa ka gabii niana human sa mga sesyon, ilang namatikdan nga ang pipila sa mga igsoong lalaki ug babaye nga atua didto nag-ilis ug dili tukmang panapot. Bisan pa niana, daghang parokyano sa restawran misanong nga mauyonon sa pagkakita sa mga Saksi kinsa hinlo ug tukmang namesti ug nagtaod sa ilang mga badge card. Nagbukas kini sa dalan sa paghatag ug pamatuod ngadto sa ubang mga parokyano.
14 Panggawi nga Magabayeg Kang Jehova: Kita nasayod nga ang atong Kristohanong panggawi makaapekto kon sa unsang paagi lantawon sa uban ang tinuod nga pagsimba. Busa, buot kitang mogawi sa atong kaugalingon sa tanang panahon sa paagi nga takos sa maayong balita ug magadayeg kang Jehova.—Filip. 1:27.
15 Sa miaging tuig, usa ka distritong kombensiyon ang gihimo sa unang higayon sa amihanan sa Angola. Sa ikaduhang adlaw sa kombensiyon, duha ka lokal nga mga polis ang gipadala sa lugar aron sa pagseguro nga mahuptan ang publikong kahusay. Nagpabilin sila sa tibuok adlaw. Pagkahapon, ilang gipahayag ang ilang pagdayeg sa ilang nadungog ug sa hapsay nga panggawi nga ilang nakita. Usa kanila mikomento: “Nganong gipadala kita dinhi? Nasayod kitang ang mga Saksi ni Jehova malinawon diha sa ilang mga panagkatigom.”
16 Usa ka membro sa politikal nga partido sa usa ka nasod sa Aprika mikalagiw ngadto sa Uropa sa dihang ang tanang membro sa iyang partido gipamatay. Nakasinati siyag daghang personal nga suliran ug nahiubos pag-ayo. Ngadtongadto iyang gidawat ang pagtuon sa Bibliya. Samtang nagtambong sa iyang unang distritong kombensiyon, nakadayeg siya nga ang mga tawo gikan sa nagkalainlaing kagikan tingob nga nagtigom diha sa pakigdait ug harmonya. Nakombinsir siya nga iyang nakaplagan ang kamatuoran, ug panahon sa maong kombensiyon siya nakahukom sa pagputol sa iyang tanang politikanhong mga koneksiyon. Sa ulahi siya nabawtismohan, ug karon siya ug ang iyang mga anak nagaalagad kang Jehova.
17 Sa unsang paagi ang atong panggawi diha sa mga kombensiyon niining tuiga makaapekto niadtong motambong tingali sa unang higayon? Mamatikdan kaha nila ang espiritu sa kooperasyon nga dayag sa dihang kita mag-uban sa pagtrabaho isip mga boluntaryo? Makadayeg kaha sila sa kahinlo sa atong mga palibot ug sa pagkakita nga una pa kita mobiya sa lugar, kita ug ang atong mga anak mamunit sa bisan unsang basura nga tingali napondo duol sa atong mga lingkoranan? Mamatikdan kaha nila ang atong maayong panggawi samtang kita magbiyahe ngadto-ngari sa atong mga gisak-an ug sa lugar sa kombensiyon? Mamatikdan ba nila nga ang mga ginikanan suod nga nagdumala sa ilang mga anak sa tanang panahon? Atong segurohon nga atong mahimo ang labing maayong impresyon nga posible sa tanang magatan-aw kanato.
18 Paghulip sa Galastohan sa Kombensiyon: Ang tiket para sa usa ka lingkoranan sa usa ka dula sa esports o ubang kalihokan diha sa estadyum o tigomanan sa kombensiyon mahimong mahal diha sa sekular nga kalibotan karon. Tungod kini sa mahal nga mga bayranan sa pag-arkela diha sa sentrong mga dapit. Ang Sosyedad kanunay nang adunay “libreng mga lingkoranan, walay pagpangolekta” nga polisa diha sa mga kombensiyon. Busa, sa unsang paagi mabayran ang mga bayranan sa arkela ug ubang galastohan sa kombensiyon? Pinaagi sa mahinatagong mga amot niadtong manambong. Nakaseguro kaming inyong ipakita ang espiritu sa pagkamahinatagon sama sa gipakita sa mga alagad sa Diyos sa miagi sa pagsundog kang Jehova nga Diyos ug kang Jesu-Kristo. (2 Cor. 8:7) Dakong pag-amping ang gihimo sa pagseguro nga ang tanang amot maampingan, matala, ug magamit sa gihunahunang katuyoan niini.
19 Lingkoranan: Ang mga direksiyon nga gitagana sulod na sa daghang tuig padayong ipadapat, nga mao, ANG MGA LINGKORANAN IKARESERBA LAMANG SA SUOD NGA MGA MEMBRO SA IMONG PAMILYA UG NI BISAN KINSA NGA HAYAN NAGABIYAHE UBAN KANIMO SA IMONG SAKYANAN. Makapadasig ang pagkamatikod ug maayong kalamboan niining butanga, ug kini nagpalambo sa mahigugmaong palibot nga gipasundayag diha sa mga kombensiyon. Sa kadaghanang dapit, ang pipila ka lingkoranan mas daling mabatonan kay sa uban. Palihog ipakita ang konsiderasyon, ug igahin ang mas kombenyenteng mga lingkoranan alang sa mga tigulang ug uban pa kansang mga kahimtang nagkinahanglan niini. Hinumdomi nga ang ‘gugma wala mangita sa kaugalingong kaayohan niini.’—1 Cor. 13:4, 5; Filip. 2:4.
20 Mga Kamera, mga Camcorber, ug mga Aubiocasette Recorber: Ang mga kamera ug mga kahimanan sa pagrekord mahimong gamiton diha sa mga kombensiyon. Bisan pa niana, ang imong paggamit niini kinahanglang dili makabalda sa uban. Ang pagsuroysuroy sa pagkuhag mga hulagway panahon sa mga sesyon makatugaw sa uban nga naningkamot sa pagsentro sa pagtagad diha sa programa. Walay mga galamiton sa rekording sa bisan unsang matang ang ikonektar sa elektrikal o mga sistema sa sound, ni kini nga kahimanan mobabag diha sa mga agianan, mga pasilyo, o sa pagtan-aw sa uban.
21 First Aib: Alang lamang sa mga emerhensiya ang First Aid Department. Palihog dad-a ang imong kaugalingong aspirin, mga tabang sa paghilis sa pagkaon, mga bendahe, mga alpilir, o susamang mga butang, sanglit ang maong mga butang dili mabatonan didto sa kombensiyon. Bisan kinsa nga may risgo sa pag-atake, insulin shock, mga sakit sa kasingkasing, ug uban pa, kinahanglang magdala sa ilang gikinahanglang tambal. Sila kinahanglang kuyogan sa usa ka membro sa ilang pamilya o sa usa ka membro sa kongregasyon nga nakasabot sa ilang kahimtang ug makatabang panahon sa emerhensiya, kon ugaling mahitabo. Ang mga suliran mitungha sa mga kombensiyon sa dihang ang mga indibiduwal nga may balikbalik nga mga suliran sa panglawas gibiyaan ug nasakit. Kon ang ubang may linaing mga panginahanglan sa panglawas walay mga membro sa pamilya nga makatabang nila, ang mga ansiyano kinahanglang mapahibalo sa kahimtang ug kinahanglang maghimog gikinahanglang mga kahikayan sa pagtabang. Dili posibleng maghimog mga tagana sa mga kombensiyon alang sa linaing mga lawak aron sa pag-atiman niadtong dunay mga sakit gumikan sa palibot o mga alerdyi.
22 Pagkaon Dibto sa Kombensiyon: Ang matag tawo nga motambong angayng magdala sa iyang kaugalingong pagkaon inay mobiya sa pasilidad panahon sa mubong pahulay sa udto aron mopalit ug makaon sa gawas. Ang simpleng pagkaon nga makapahimsog ug daling dad-on lagmit nga igo na. Ang Nobyembre 1995 nga pasukip sa Atong Ministeryo sa Gingharian, parapo 27, naghatag ug pipila ka ideya kon unsay dad-on. Ang bildo nga mga sudlanan ug alkoholikong mga ilimnon dili tugotan diha sa mga pasilidad sa kombensiyon. Ang mga pabugnawanag pagkaon angay nga igoigo lang ang gidak-on aron dili makaali sa mga agianan o sa mga lingkoranan sa imong tupad. Ang pipilang nanambong namatikdan nga nangaon ug nanginom panahon sa programa, apan kini nagpakitag kawalay-pagtahod alang sa okasyon.
23 Mga Kalihokan sa Negosyo: Dili maayo alang ni bisan kinsang igsoon ang pagpahimulos sa dagkong panon pinaagi sa paghimo ug mga butang nga igbabaligya, sama sa mga hapin sa libro o mga kamiseta, mga paypay, o mga kalendaryo nga pinatikan sa tema sa kombensiyon. Ang mga hawanan sa kombensiyon mahimong usa ka dakong Kingdom Hall diin ang mga kalihokan sa negosyo walay luna.
24 Pagkamalipayon ta nga ang 1998-99 nga “Iya sa Diyos nga Dalan sa Kinabuhi” Distritong Kombensiyon magsugod na sa di madugay! Nabug-os mo na ba ang imong mga plano sa pagtambong? Hinaot nga luwas ang imong pagbiyahe ug makabalik sa balay nga narepreskohan, determinado nga magpadayon diha sa hamiling pag-alagad kang Jehova ug pagpadayon sa pagpangagpas sa “Iya sa Diyos nga Dalan sa Kinabuhi” alang sa imong walay kataposang panalangin.
[Kahon sa panid 6]
Distritong Kombensiyon nga mga Pahinumdom
▪ Bawtismo: Ang mga kandidato sa bawtismo kinahanglang makalingkod na diha sa gitudlong dapit una pa magsugod ang programa sa buntag sa Sabado. Ang matag usa nga nagplanong magpabawtismo kinahanglang magdala ug kasarangang humdonon ug usa ka tualya. Ang mga ansiyano nga magsubli uban sa mga kandidato sa bawtismo sa mga pangutana diha sa Atong Ministeryo nga libro kinahanglang magtino nga masabtan sa matag usa kining mga puntoha. Ang bawtismo ingong simbolo sa pahinungod sa usa maoy suod ug personal nga butang tali sa indibiduwal ug kang Jehova. Busa, dili tukma alang sa mga kandidato nga maggaksanay o maggunitanay samtang bawtismohan.
▪ Mga Babge Carb: Palihog itaod ang 1998 nga badge card sa tanang panahon samtang diha sa siyudad sa kombensiyon ug samtang mobiyahe ngadto-ngari niana. Ang mga badge card ug mga sudlanan angayng mabatonan pinaagi sa inyong kongregasyon, sanglit kini dili mabatonan didto sa kombensiyon. Hinumdomi ang pagdala sa inyong bag-ong kard nga Advance Medical Directive/Release.
▪ Pagboluntaryo: Makagahin ka ba ug pipila ka panahon sa kombensiyon aron makatabang sa usa sa mga departamento? Kon makatabang ka, palihog sa pagtaho ngadto sa Volunteer Service Department sa kombensiyon. Ang mga bata nga ubos sa 16 anyos makatabang usab pinaagi sa pagbuhat uban sa usa ka ginikanan o ubang responsableng hamtong.
▪ Mga Pahimangno: Tinoa nga nakandadohan ang imong sakyanan sa tanang panahon, ug ayaw pagbilin ug bisan unsang butang nga makita nga makatental sa usa sa paglungkab. Ang mga kawatan ug mga mangunguot magsentro sa ilang pagtagad diha sa dagkong mga panagkatigom. Dili maalamon nga magbilin ug bisan unsang bililhong butang diha sa inyong lingkoranan. Dili ka makaseguro nga ang matag usa sa imong palibot maoy Kristohanon. Nganong manental man? Ang mga taho nadawat nga gisulayan sa pipila ka tagagawas nga hayloon palayo ang kabataan. MAGMABINANTAYON SA INYONG MGA ANAK SA TANANG PANAHON.