Usa ka Gatos ka Libo!

Mao kana ang gidaghanon sa mga pagtuon sa Bibliya nga buot natong itaho dinhi sa Pilipinas alang sa bulan sa Agosto 1998. Posible ba nga atong makab-ot kini? Oo! Sa Pebrero ug Abril, 1994 nagtaho kita ug kapin sa 100,000 ka pagtuon. Niadtong panahona, kapin lamag diyutay sa 118,000 ka magmamantala ang anaa sa kanataran. Karong adlawa kita adunay kapin sa 126,000 ka magmamantala, apan ang atong mga pagtuon sa Bibliya sa pagkakaron niining tuiga sa pag-alagad nag-aberids lamang ug 78,807. Tinuod nga daghan sa atong kanhing mga pagtuon karon nabawtismohan na ug busa dili na ikataho, apan gilaoman nga ang bag-ong mga pagtuon padayong masugdan aron ikapuli niini nila. Nganong dili maningkamot gayod sa pagsugod ug usa ka bag-ong pagtuon sa Bibliya niining bulana aron ikataho sulod sa Agosto? Sulayi ang paggamit sa yanong sugyot sa pagsugod ug pagtuon sa unang duaw diha sa Gikinahanglan nga brosyur nga makaplagan sa parapo 5 sa artikulo sa panid 8 niini nga Atong Ministeryo sa Gingharian. Kon ang tanan sa kapin sa 16,000 nga mga regular payunir maingon man ang mga magmamantala sa kongregasyon manikaysikay sa pagsugod ug usa ka bag-ong pagtuon nga ikataho sa Agosto, dili gayod lisod ang pagkab-ot sa atong tumong nga 100,000 ka pagtuon. Pagkadakong hugyaw sa pagdayeg ang mahimo unya niana ngadto kang Jehova!​—Sal. 47:1.