Agosto—Bulan sa Kinadak-ang Kampanya sa Pagsangyaw!

1. Kay duol na ang ika-100 nga anibersaryo sa Gingharian, unsang espesyal nga kampanya ang himoon sa tibuok kalibotan?

¹ Kay duol na ang ika-100 nga anibersaryo sa pagkatukod sa Gingharian sa Diyos, angay lamang pasidunggan si Jehova pinaagig espesyal nga kampanya! Sa Agosto, ipanagtag sa tibuok kalibotan ang bag-ong tract nga Asa Makita ang Tubag sa Importanteng mga Pangutana sa Kinabuhi? Kini nga tract magdasig sa mga tawo sa pagsusi sa mga tubag diha sa Bibliya ug magpatin-aw kon sa unsang paagi ang jw.org makatabang nila.

2. Unsay atong himoon aron makatampo sa ‘kusog nga singgit sa pagdayeg kang Jehova’ karong Agosto?

² Kusog nga Singgit sa Pagdayeg: Aron ang mga igsoon makapauswag sa ilang ministeryo, dunay espesyal nga kahikayan para sa mag-oksilyare payunir sa Agosto. Nianang bulana, sila puwedeng mokab-ot ug 30 ka oras. Kay sa Agosto lima man ang Biyernes, Sabado, ug Dominggo, daghang igsoon nga nagtrabaho o nag-eskuyla ang makaoksilyare payunir. Kon duna kay kuwalipikadong Bible study o anak nga gustong mahimong magmamantala, duol dayon sa koordinetor sa lawas sa mga ansiyano. Makapadasig gyod kon sila makaduyog nato ingong mga magmamantala niining importante kaayong bulan! Daghang regular payunir ang magbakasyon sa Agosto kay nakakab-ot na sa oras, apan mahimo nilang usbon ang ilang eskedyul aron makapakigbahin niining espesyal nga kampanya. Karon na ang panahon nga maghisgot ang mga pamilya kon unsay ilang ikatampo sa ‘kusog nga singgit sa pagdayeg kang Jehova’ sa Agosto.—Esd. 3:11; Prov. 15:22.

3. Unsay atong gilaoman niining espesyal nga kampanya?

³ Bisan tuod sa nangagi diha nay mga kampanya nga sama niini, kita naglaom nga kini mahimong importanteng bahin sa kasaysayan. Makab-ot kaha nato ang bag-ong kinatas-ang ihap sa oras, magmamantala, ug oksilyare payunir sa Agosto? Agig pagtapos sa 2014 nga tuig sa pag-alagad, hinaot panalanginan ni Jehova ang paningkamot sa iyang katawhan sa tibuok kalibotan aron nga sa bulan sa Agosto mahimo nato ang kinadak-ang kampanya sa pagsangyaw sa tibuok kasaysayan!—Mat. 24:14.