Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 2/02 p. 3-6
  • “Iwali sa Bug-os ang Pulong sa Diyos”

Walay video nga available.

Sorry, dunay problema sa pag-load sa video

  • “Iwali sa Bug-os ang Pulong sa Diyos”
  • Atong Ministeryo sa Gingharian—2002
  • Susamang Materyal
  • “Bug-os Magpamatuod sa Maayong Balita”
    Atong Ministeryo sa Gingharian—2008
  • Ato Bang Mahimo Kana Pag-usab?—Laing Agda Alang sa Oksilyare nga mga Payunir
    Atong Ministeryo sa Gingharian—1998
  • Padayong Isaysay ang Katingalahang mga Buhat ni Jehova
    Atong Ministeryo sa Gingharian—2004
  • Gikinahanglan—20,000 Ka Oksilyare Payunir
    Atong Ministeryo sa Gingharian—1997
Uban Pa
Atong Ministeryo sa Gingharian—2002
km 2/02 p. 3-6

“Iwali sa Bug-os ang Pulong sa Diyos”

1 Kon tim-os nimong pabilhan ang madawat nimong maayong butang, dili ba nimo ipakita kana pinaagi sa imong tinamdan ug mga lihok? Siyempre buhaton mo gayod kana! Mahitungod sa kaayo ug mahigugmaong-kalulot nga gipakita ni Jehova ngadto sa katawhan, matikdi kon sa unsang paagi misanong ang apostol nga si Pablo. Siya mipatugbaw: “Salamat sa Diyos tungod sa iyang dili-mahubit nga walay bayad nga gasa”! Unsay nalakip sa maong “walay bayad nga gasa”? Ang tanan nga “labawng dili-takos nga kalulot sa Diyos” nga gipasundayag nganhi kanato, ang kinalabwang kapahayagan niana mao ang gasa sa kaugalingon niyang Anak ingong lukat alang sa atong mga sala.​—2 Cor. 9:​14, 15; Juan 3:16.

2 Ang mga pasalamat ba nga gibungat ni Pablo maoy kutob lamang sa baba? Dili gayod! Sa daghang paagi iyang gipasundayag ang iyang lalom nga pagpabili. Siya nabalaka pag-ayo bahin sa espirituwal nga kaayohan sa iyang mga isigka-Kristohanon ug buot mohimo kutob sa iyang maarangan sa pagtabang kanila nga bug-os makabenepisyo sa mahigugmaong-kalulot sa Diyos. Mahitungod kanila, si Pablo miingon: “Kay may malumong pagmahal kaninyo, kami nahimuot nga ipaambit kaninyo, dili lamang ang maayong balita sa Diyos, kondili usab ang among kaugalingong mga kalag, tungod kay kamo nahimo man nga among hinigugma.” (1 Tes. 2:8) Dugang pa sa pagtabang niadtong bahin na sa kongregasyon aron maseguro ang ilang kaluwasan, si Pablo masibotong nagsangyaw sa maayong balita, nga mibiyaheg libolibo ka kilometro sa yuta ug dagat sa pagpangita niadtong “hustong nakiling alang sa kinabuhing walay kataposan.” (Buh. 13:48) Ang lalom nga pagpabili ni Pablo sa tanang nahimo ni Jehova alang kaniya mao ang nagtukmod kaniya “aron iwali sa bug-os ang pulong sa Diyos.”​—Col. 1:25.

3 Dili ba ang atong pagpabili sa tanang nahimo ni Jehova alang kanato mao ang magtukmod kanato sa paghatag ug espirituwal nga pagbulig niadtong nanginahanglag tabang diha sa atong kongregasyon? (Gal. 6:10) Ug dili ba kita matukmod nga makig-ambit sa bug-os kutob sa atong maarangan sa pagsangyaw sa maayong balita sa Gingharian sa tibuok natong teritoryo?​—Mat. 24:14.

4 Usa ka Kahigayonan sa Pagpakitag Pagpabili: Matag tuig ang Memoryal sa kamatayon ni Kristo mohatag kanato ug linaing kahigayonan sa pagpakitag pagpabili sa nahimo ni Jehova ug ni Jesus alang kanato. Dili kini usa ka lain lang nga tigom o yanong paghandom sa usa ka hitabo. Si Jesus nag-ingon: “Ipadayon ninyo ang pagbuhat niini sa paghandom kanako.” (Luc. 22:19) Ang Memoryal sa kamatayon ni Kristo maoy okasyon nga angayng palandongon kon unsang matanga sa pagkatawo si Jesus. Panahon kana sa pag-ila nga siya buhi ug aktibo karon, uban sa himaya ug pagkahari nga gihatag kaniya tungod sa iyang matinumanong kurso sa kinabuhi ug pagsakripisyo. Kini nga pagsaulog maoy usa usab ka kahigayonan sa pagpasundayag sa atong pagpasakop sa pagkaulo ni Kristo samtang iyang gitultolan ang mga buluhaton ug kalihokan sa Kristohanong kongregasyon. (Col. 1:17-20) Ang tanang katawhan sa Diyos angay nga presente gayod sa Memoryal sa kamatayon ni Kristo. Niining tuiga pagahimoon kini human sa pagsalop sa adlaw sa Huwebes, Marso 28, 2002.

5 Uban sa makugihong paningkamot nga gihimo sa wala pa ang kasaulogan sa Memoryal sa miaging tuig, aduna kitay kinatas-ang ihap sa nanambong dinhi sa sanga sa Pilipinas nga 424,306. Pila kahay motambong niining tuiga? Nagdepende gayod kini sa atong ‘paghago ug pagpanlimbasog,’ nga tabangan ang daghan kutob sa maarangan nga makatambong.​—1 Tim. 4:10.

6 Gawas pa sa pagtambong sa Panihapon sa Ginoo, maarangan tingali nato ang pagpauswag sa atong kalihokan sa pag-alagad sa kanataran. Walay duhaduha, tinagpulo ka libong igsoong lalaki ug babaye ang mag-oksilyare payunir sa usa o kapin pang mga bulan. Matag tuig sulod sa miaging lima ka tuig, aduna kitay aberids nga 41,618 ka oksilyare payunir sa panahon sa Memoryal, Marso hangtod Mayo. Sa 2001 ang gidaghanon maoy 33,802, nga ubos kon itandi sa aberids. Mahikay mo ba ang imong mga kalihokan aron mapahimuslan nimo ang pribilehiyo sa pag-oksilyare payunir niining tuiga? Kana maoy usa ka maayong paagi sa pagpasundayag sa imong tim-os nga pagpabili sa mahigugmaong tagana sa Diyos sa halad ni Kristo. Makaseguro ka sa panalangin ni Jehova, ingon sa gipakita sa mosunod nga mga kasinatian.

7 Usa ka sister nga dunay bug-os-panahong sekular nga trabaho misulat bahin sa iyang kasinatian sa pag-oksilyare payunir sa miaging Marso: “Ang Pebrero 2001 nga Atong Ministeryo sa Gingharian nagdasig sa tanan kansang kahimtang motugot sa pag-oksilyare payunir sa panahon sa Memoryal. Sanglit ang Marso adunay lima ka Sabado, haom kaayo kini sa akong eskedyul. Busa nakahukom ako sa pagtunol sa akong aplikasyon.” Sa pagsugod niya sa bulan, gihimo niyang tumong nga maningkamot sa pagsugod ug usa ka pagtuon sa Bibliya sa balay. Nagmalamposon ba siya? Oo, diha sa iyang ika-52 nga oras sa pagsangyaw nianang bulana! Ang iyang konklusyon? “Aduna ing kahibulongang mga panalangin kon kita manikaysikay gayod.”

8 Unsang mga benepisyo ang madawat sa pamilyang dungan nga magpayunir? Mao kanay nakaplagan sa pamilya nga may upat ka membro nga nagpayunir sa miaging Abril nga usa ka bulan nga kanunayng hinumdoman. Ang inahan miingon: “Pagkapositibo sa among tinamdan sa matag adlaw, sanglit nagkahiusa kami diha sa ministeryo! Ang mga panaghisgot sa among adlaw-adlawng mga kalihokan diha sa pag-alagad naghimo sa tingpanihapon nga makalilipay kaayo.” Ang anak nga lalaki miingon: “Nalipay kong miuban kang Papa sa pag-alagad sa kanataran sulod sa maong semana, sa panahong naandan nga siya atua sa sekular nga trabaho.” Ang amahan midugang: “Ingong ulo sa pamilya, gibati ko ang katagbawan sa pagkahibalo nga kami dungang nag-alagad sa labing hinungdanong kalihokan sa atong panahon.” Dungan bang makapayunir ang imong pamilya? Nganong dili himoon ang panaghisgot sa pamilya ug susihon kon posible ba alang sa imong tibuok pamilya nga mag-oksilyare payunir niining panahon sa Memoryal?

9 Ato Bang Mahimo ang Marso nga Atong Labing Maayong Bulan Sukad? Ang pasukip sa Marso 2000 nga Atong Ministeryo sa Gingharian nangutana: “Ato Bang Mahimo ang Abril 2000 nga Atong Labing Maayong Bulan Sukad?” Unsay sanong? Atong nalabwan ang naunang kinatas-ang ihap sa mga magmamantala ug tumatambong sa Memoryal, ug 19,704 ka oksilyare payunir ang nakig-ambit nianang bulana. Kini usab nagpauswag sa gidaghanon sa oras, mga magasing napahimutang, ug mga balikduaw, ug ang atong mga pagtuon sa Bibliya miabot ug 100,156. Nahinumdoman ba nimo ang kadasig nga gipakita sa inyong kongregasyon tungod sa daghang espirituwal nga kalihokan sulod niadtong espesyal nga bulan? Ato bang matumbasan o malabwan pa gani ang maong mga kalamposan niining tuiga? Pinaagi sa hiniusang paningkamot sa tanan, ang Marso 2002 mahimong “Atong Labing Maayong Bulan Sukad.” Nganong ang Marso?

10 Dunay duha ka rason kon nganong ang Marso angay nga mahimong espesyal nga bulan sa kalihokan. Una, ang Memoryal pagahimoon sa hinapos sa Marso, nga maghatag kanatog daghang kahigayonan sayo sa maong bulan nga magdapit ug daghang tawo kutob sa mahimo aron makatambong. Ikaduha, niining tuiga ang Marso dunay lima ka bug-os nga hinapos nga mga semana, nga mas magpasayon sa pag-oksilyare payunir alang niadtong may sekular nga trabaho o nagaeskuyla. Nganong dili molingkod karon ug planohon ang praktikal nga eskedyul, ginamit ang kalendaryo nga gitagana niini nga pasukip? Ang pag-oksilyare payunir mahimong mas sayon kay sa imong gihunahuna. Pananglitan, pinaagi sa pag-eskedyul ug 8 ka oras sa pag-alagad sa kanataran matag usa sa lima ka hinapos nga mga semana, kinahanglan ka na lang nga moeskedyul ug 10 ka dugang nga mga oras sa nahibilin sa maong bulan aron makab-ot ang gikinahanglang 50 ka oras.

11 Unsay mahimo sa mga ansiyano sa pagtabang sa tanan diha sa kongregasyon aron “iwali sa bug-os ang pulong sa Diyos”? Tukora ang kadasig pinaagi sa mga bahin sa tigom ug personal nga mga panaghisgot. Ang mga magtatan-aw sa Pagtuon sa Libro sa Kongregasyon ug ang ilang mga katabang mao ang manguna sa pagpakigsulti sa matag usa nga sakop sa ilang grupo ug motanyag ug personal nga pagbulig. Ang pipila ka malulot nga mga pulong sa pagdasig o pipila ka praktikal nga mga sugyot hayan mao lang ang gikinahanglan. (Prov. 25:11) Mamatikdan sa daghan nga pinaagig diyutayng mga pagpasibo sa ilang eskedyul, sila makapahimulos sa pribilehiyo sa pag-alagad ingong mga oksilyare payunir. Diha sa ubay-ubayng mga kongregasyon, kadaghanan, kon dili man tanan, sa mga ansiyano ug ministeryal nga mga alagad ug ilang mga asawa naghatag ug maayong panig-ingnan pinaagi sa dungang pag-oksilyare payunir sa panahon sa Memoryal. Nakadasig kini sa daghang magmamantala sa pagduyog kanila. Tungod sa pisikal nga mga limitasyon o ubang mga kahimtang, ang ubang mga magmamantala tingali dili makahimo sa pagpayunir, apan sila mapalig-on man nga ipasundayag ang ilang pagpabili pinaagi sa pagbuhat gayod kutob sa ilang maarangan diha sa ministeryo duyog sa uban sa kongregasyon.

12 Ang kalamposan nagdepende sa mainampingong pagplano sa mga ansiyano. Ang mga tigom sa dayon nang pagsangyaw angayng ieskedyul sa kombenyenteng mga panahon sa tibuok semana. Kon posible, ang magtatan-aw sa pag-alagad angayng abanteng magtudlo ug kuwalipikadong mga igsoong lalaki nga maoy modumala sa tanang tigom sa dayon nang pagsangyaw. Gikinahanglan ang maayong pagpangandam aron ang maong mga tigom dili molapas sa 10 hangtod sa 15 minutos, nga maglakip sa pag-organisar sa mga grupo, paghatag ug teritoryo, ug pag-ampo. (Tan-awa ang “Pangutana” diha sa Septiyembre 2001 nga Atong Ministeryo sa Gingharian.) Ang eskedyul sa kalihokan alang sa maong bulan angayng ipatin-aw pag-ayo ngadto sa kongregasyon ug ipaskin diha sa information board.

13 Ang igong teritoryo angayng mabatonan. Ang magtatan-aw sa pag-alagad kinahanglang makighisgot sa igsoong lalaki nga nagdumala sa mga teritoryo aron makahimog mga kahikayan sa pagsangyaw sa mga teritoryong dili subsob makobrehan. Angayng ipasiugda ang pagsangyaw sa mga wala-sa-balay, nga magsangyaw diha sa kadalanan ug sa mga tindahan, ug ang pagsangyaw sa magabii. Kon nahiangay, ang pipila ka magmamantala mahimong tabangan sa pagsangyaw ginamit ang telepono.

14 Tabangi Sila Aron Mag-alagad Pag-usab: Duna bay di na aktibo sa pagsangyaw sa maayong balita diha sa teritoryo sa inyong kongregasyon? Ang maong mga tawo bahin pa gihapon sa kongregasyon ug nagkinahanglag tabang. (Sal. 119:176) Sanglit ang kataposan niining daang kalibotan haduol na kaayo ug ang bag-ong kalibotan anaa na lang sa unahan, kita adunay maayong katarongan nga maningkamot sa pagbulig niadtong nahimong di-aktibo. (Roma 13:​11, 12) Dinhi sa Pilipinas sa milabayng lima ka tuig, kapin sa 3,150 ka tawo matag tuig ang misanong sa pagtabang ug napaabtik pag-usab. Unsay atong mahimo sa pagtabang sa mas daghan pa nga mahaling pag-usab ang gugma ug pagsalig nga ilang nabatonan sa sinugdan?​—Heb. 3:12-14.

15 Buot hisgotan sa lawas sa mga ansiyano kon sa unsang paagi ilang matabangan kadtong nahimong di-aktibo sulod sa milabayng pipila ka tuig. (Mat. 18:12-14) Ang sekretaryo sa kongregasyon angayng magsusi sa Congregation’s Publisher Record nga mga kard ug maglista sa tanan nga nahimong di-aktibo. Angayng himoon ang linaing paningkamot pinaagi sa kahikayan sa pagduaw isip magbalantay aron ikatagana ang pagbulig. Ang usa ka ansiyano buot tingali nga moduaw sa usa ka magmamantala tungod kay kaila ug nakapakig-uban na sa maong igsoon kaniadto, o ang ubang mga magmamantala mahimong hangyoon sa pagtabang. Tingali ang maong mga magmamantala ang nagdumalag pagtuon uban niining di na aktibo karon ug modawat sa kahigayonan nga makatabang sa linaing paagi niining panahona sa panginahanglan. Hinaot, daghan niadtong nahimong di-aktibo ang matukmod nga mosugod pag-usab sa pagsangyaw sa pulong sa Diyos. Kon sila mahimong takos, walay laing mas maayong panahon alang kanila sa pagsugod kay sa panahon sa Memoryal!​—Tan-awa ang “Pangutana” diha sa Nobyembre 2000 nga Atong Ministeryo sa Gingharian alang sa dugang mga detalye.

16 Ang Uban ba Mahimong Takos sa Pagsangyaw? Si Jehova padayong nagapanalangin sa iyang katawhan pinaagi sa pagpasulod sa “tilinguhaong mga butang sa tanang kanasoran.” (Hag. 2:7) Matag tuig libolibo ang mahimong takos ingong di-bawtismadong mga magmamantala. Kinsa sila? Ang mga anak sa mga Saksi ni Jehova maingon man ang mauswagong mga estudyante sa Bibliya. Sa unsang paagi atong mahibaloan kon sila ba mahimong takos nga mga magmamantala sa maayong balita?

17 Mga Anak sa mga Saksi ni Jehova: Sa katuigan daghang kabataan ang nag-uban-uban na sa ilang mga ginikanan sa pagpamalaybalay, bisan tuod wala pa sila mag-alagad ingong di-bawtismadong mga magmamantala. Ang Marso mahimong maayong panahon nga sila makasugod. Sa unsang paagi imong mahibaloan nga ang imong anak mahimong takos? Ang panid 100 sa Organisado sa Pagtuman sa Atong Ministeryo nag-ingon nga siya mahimong takos “kon ang usa ka bata sumbanan sa iyang pamatasan ug makaarang sa personal nga pagpahayag sa iyang pagtuo sa pagsulti ngadto sa uban bahin sa maayong balita, nga sa kinasingkasing napalihok niana.” Kon nagtuo ka nga ang imong anak mahimong takos, pakigsultihi ang usa sa mga ansiyano sa Komite sa Pag-alagad sa Kongregasyon.

18 Takos nga mga Estudyante sa Bibliya: Human makakuhag kahibalo ug makatambong ug mga tigom ang usa ka estudyante sa Bibliya nga taudtaod na, hayan buot na niyang mahimong magmamantala sa Gingharian. Kon ikaw ang nagdumala sa pagtuon uban sa maong estudyante, tagda kining mga pangutanaha: Nagmauswagon ba siya, nga uyon sa iyang edad ug katakos? Nagsugod na ba siya nga ipaambit ang iyang pagtuo ngadto sa uban sa di-pormal nga paagi? Gisul-ob na ba niya “ang bag-ong pagkatawo”? (Col. 3:10) Nakab-ot ba niya ang mga kuwalipikasyon alang sa di-bawtismadong mga magmamantala nga gilaraw sa mga panid 97-9 diha sa librong Atong Ministeryo? Kon mao, angay nimong kontakon ang Komite sa Pag-alagad sa Kongregasyon aron mahikay ang duha ka ansiyano nga makigsulti kanimo ug sa estudyante. Kon siya mahimong takos, ang duha ka ansiyano magpahibalo kaniya nga mahimo na siyang mosugod sa pagpakig-ambit diha sa publikong ministeryo.

19 Komosta ang Abril ug Mayo? Kini usab mahimong linaing mga bulan alang sa dugang nga kalihokan diha sa ministeryo sa kanataran. Daghan nga mag-oksilyare payunir sa Marso tingali makapayunir pag-usab sa Abril ug/o sa Mayo. Sa Abril ug Mayo, atong unahon pagpasiugda ang mga magasing Bantayanang Torre ug Pagmata! diha sa ministeryo. Pagkadakong kapuslanan unya nianang mga magasina ngadto sa mga kinabuhi niadtong mobasa niana! Kining mga magasina dunay dakong bahin sa pagkab-ot sa talagsaong pag-uswag nga nasinatian sa tibuok kalibotan. Ang linaing paningkamot himoon sulod sa Abril ug Mayo sa pagtanyag sa mga magasin ngadto sa daghang tawo kutob sa maarangan. Pagplano karon aron bug-os nga makapakig-ambit.

20 Uban sa giplano nga pagpauswag sa kalihokan sa pagsangyaw, kinahanglan ba nimong dugangan ang gidaghanon sa mga magasin nga imong makuha pinaagig kongregasyon? Sa tibuok tuig sa pag-alagad, atong gipasiugda Ang Bantayanang Torre ug Pagmata! matag Sabado, ang atong gikatudlo nga Adlaw sa Magasin. Bisan pa niana, sanglit daghan ang makig-ambit sa oksilyare payunir nga pag-alagad ug kitang tanan magpasiugda sa mga magasin sa bug-os duha ka bulan, angay tingali nga dugangan ang imong order sa magasin diha sa kongregasyon. Kon mao, palihog pahibaloa dayon ang alagad sa magasin sa inyong kongregasyon. Sa samang panahon, angayng tinoon sa alagad sa literatura nga dunay igong suplay nga mabatonan sa tract nga Gusto Ka Bang Makabaton ug Dugang Kahibalo Bahin sa Bibliya? nga magamit sa tanan.

21 Daghan ang mapasalamaton sa tinuyong artikulo diha sa Atong Ministeryo sa Gingharian nga nag-ulohang “Kon Unsay Isulti Labot sa mga Magasin.” Gipahimuslan ba nimo kining kahikayana pinaagi sa pagkat-on sa sampol nga mga presentasyon sa magasin? Nganong dili gamiton ang usa ka bahin sa inyong pagtuon sa Bibliya sa pamilya matag semana aron bansayon kining mga presentasyona?

22 Pahimusli sa Bug-os Kining Panahon sa Memoryal: Sama sa apostol nga si Pablo, ipakita nato kang Jehova nga gipabilhan gayod nato ang “iyang dili-mahubit nga walay bayad nga gasa” pinaagi sa atong bug-os nga pagpakig-ambit diha sa espirituwal nga mga kalihokan nga giplano niining panahon sa Memoryal. Naglakip kini sa (1) pagtambong sa labing hinungdanong okasyon sa tuig, ang pagsaulog sa Panihapon sa Ginoo sa Huwebes, Marso 28, 2002; (2) pagtabang niadtong nahimong di-aktibo nga mahaling pag-usab “ang gugma nga [ilang] nabatonan sa sinugdan” (Pin. 2:4; Roma 12:11); (3) pagbulig sa atong mga anak ug sa tanang estudyante sa Bibliya nga mahimong takos sa pagkahimong di-bawtismadong mga magmamantala; ug (4) pagkabug-os nalangkit sa pagsangyaw nga buluhaton kutob sa maarangan, ang pag-oksilyare payunir pa gani sa Marso, Abril, ug Mayo kon itugot sa imong mga kahimtang.​—2 Tim. 4:5.

23 Maoy among tim-os nga pag-ampo nga kitang tanan bug-os nga makig-ambit sa pagsangyaw sa maayong balita sa Gingharian niining panahon sa Memoryal, sa ingon nagpasundayag sa kalalom sa atong pagpabili sa tanan nga gihimo ni Jehova alang kanato.

[Kahon sa panid 6]

Personal nga Eskedyul sa Pag-alagad sa Kanataran sa Marso 2002

Dominggo Lunes Martes Miyerkoles Huwebes Biyernes

Sabado

1 2

Adlaw sa Magasin

3 4 5 6 7 8 9

Adlaw sa Magasin

10 11 12 13 14 15 16

Adlaw sa Magasin

17 18 19 20 21 22 23

Adlaw sa Magasin

24 25 26 27 28 29 30

MEMORYAL Adlaw sa Magasin HUMAN SA

31 PAGSALOP SA ADLAW

Makaeskedyul ka ba ug total nga 50 ka oras aron makaoksilyare payunir sa Marso?

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa