Kon Unsay Isulti Labot sa mga Magasin

Ang Bantayanang Torre Peb. 15

“Nahibulong ka ba sukad kon unsa ang labing maayong paagi sa paggiya sa imong kinabuhi ug sa paghimog hinungdanong mga desisyon? [Tugoting motubag.] Ang pipila sa labing maayong giya, sama sa Bulawanong Lagda, makaplagan diha sa Bibliya. [Basaha ang Mateo 7:12.] Unsang ubang diyosnong mga prinsipyo ang laktod makahatag kanatog kaayohan? Makaplagan nimo ang tubag niining magasina.”

Pagmata! Peb. 22

“Hayan imong namatikdan nga daghang trabahoanan ang nahimong mas peligroso. Kining magasina adunay maayong mga sugyot kon sa unsang paagi mahimo kining mas luwas. Gipakita usab niini nga ang atong kaayohan nalangkit kon kita ba adunay timbang nga panglantaw sa sekular nga trabaho. Palihog basaha kini.”

Ang Bantayanang Torre Mar. 1

“Tungod sa tanang nagakahitabo karong panahona, kadaghanan kanato nahibulong kon unsay anaa sa umaabot. Sa iladong pag-ampo, gibutyag ni Jesu-Kristo ang rason kon nganong kita makalantaw sa umaabot nga may pagsalig. [Basaha ang Mateo 6:​9, 10.] Sublisubli nga gibuhat sa katawhan ang mga kasaypanan nga nahimo dugay na kanhi. Apan niadtong mga adlawa, kadtong nag-alagad sa Diyos naghupot ug malipayong kaugmaon. Kining magasina nagpakita kon sa unsang paagi kita usab makahupot niana.”

Pagmata! Mar. 8

“Gipasiugda sa Bibliya ang kahinungdanon sa maayong edukasyon. [Basaha ang Proverbio 2:​10, 11.] Kadaghanan kanato nakaamgo kon unsa ka hinungdanon alang sa mga bata nga adunay kuwalipikadong mga magtutudlo. Ang Pagmata! nagpasiugda sa hinungdanong papel sa mga magtutudlo, kon sa unsang paagi ato gayong mapabilhan ang ilang mga pagsakripisyo, ug kon unsay mahimo sa mga ginikanan sa pagtabang kanila maylabot sa ilang malisod nga tahas.”