Sugyot nga mga Presentasyon Alang sa Pakigsuod Kang Jehova

◼ Nga bitbit ang Bibliya, isulti: “Daghang tawo nga nagtuo sa Diyos gustong makigsuod kaniya. Nahibalo ka ba nga ang Diyos nagdapit kanato nga makigsuod Kaniya? [Basaha ang Santiago 4:8.] Kining publikasyona gidisenyo sa pagtabang sa mga tawo sa paggamit sa kaugalingon nilang Bibliya aron masuod sa Diyos.” Basaha ang parapo 1 sa panid 16.

◼ Nga bitbit ang Bibliya, isulti: “Tungod sa hulga sa terorismo, daghan ang nahibulong kon mobati pa ba kaha sila pag-usab ug kasegurohan. Matikdi kining makapadasig nga hunahuna. [Basaha ang Salmo 46:​1, 2.] Kining publikasyona gidisenyo sa pagtabang sa mga tawo sa paglig-on sa ilang pagsalig sa Diyos.” Basaha ang parapo 4 sa panid 68 ug ang unang tudling pulong sa parapo 5.

◼ Nga bitbit ang Bibliya, isulti: “Karong adlawa kaylap ang inhustisya. Mao gayod kana ang gihubit dinhi. [Basaha ang Ecclesiastes 8:9b.] Daghan ang nahibulong kon may pagtagad ba gayod ang Diyos. [Basaha ang unang duha ka tudling pulong sa parapo 4 sa panid 119.] Kining kapituloha nagpatin-aw kon nganong gitugotan sa Diyos ang inhustisya sulod sa usa ka yugto sa panahon.”