Kon Unsay Isulti Labot sa mga Magasin

Ang Bantayanang Torre Abr. 15

“Sa di pa dugayng katuigan, daghang tawo ang nakamatikod sa pag-us-os sa espirituwal nga mga prinsipyo. Nakamatikod ka ba niana? [Tugoting motubag. Dayon basaha ang Salmo 119:105.] Ang espirituwal nga mga prinsipyo makatabang sa mga tawo nga malikayan ang daghang lit-ag sa kinabuhi. Kining magasina nagpunting kon asa makaplagan ang tinuod nga espirituwal nga mga prinsipyo.”

Pagmata! Abr. 22

“Niining puliki kaayo nga kalibotan karon, daghan ang nahibulong kon nganong dali ra kaayong mohamtong ang mga bata. Nabalaka ka ba niini? [Tugoting motubag. Dayon basaha ang Ecclesiastes 3:1, 4.] Ang panahon sa pagkabata dili angayng usa ka panahon sa pagpas-an sa mga kaakohan sa mga hamtong. Kining gulaa sa Pagmata! naghisgot kon sa unsang paagi mapanalipdan sa mga ginikanan ang ilang mga anak sa panahon sa pagkabata.”

Ang Bantayanang Torre Mayo 1

“May pipila ka pangutana nga dili matubag sa mga tawo. Matikdi kini nga pananglitan. [Basaha ang Job 21:7.] Aduna ka bay pangutana nga gustong isukna sa Diyos? [Tugoting motubag.] Kining magasina nagpatin-aw kon sa unsang paagi ang mga tawo sa tanang bahin sa yuta nakakaplag ug makapatagbaw nga mga tubag sa tulo sa labing hinungdanong mga pangutana bahin sa kinabuhi.”

Pagmata! Mayo 8

“Kadaghanan kanato may nailhang tawo nga dunay diabetes. Daghan ka bag nahibaloan bahin niining sakita? [Ipakita ang hapin sa magasin, ug tugoting motubag.] Kining magasina nagsuhid sa mga hinungdan ug sa mga paagi sa pagtambal sa diabetes. Gihisgotan usab niini ang saad sa Bibliya bahin sa permanenteng tambal alang sa tanang sakit.” Taposa pinaagi sa pagbasa sa Isaias 33:24.