Gamita ang Simbaha ang Diyos nga Libro sa Pagdumalag mga Pagtuon sa Bibliya
Ang Simbaha ang Bugtong Matuod nga Diyos nga libro gidisenyo sa pagtabang sa bag-ohang mga tawo nga mouswag diha sa kamatuoran ug mopalalom sa ilang pagpabili kang Jehova ug sa iyang organisasyon. Gamiton kini uban sa mga ginatun-an sa Bibliya ingong ikaduhang libro nga tun-anan. Ang Hunyo 2000 nga Atong Ministeryo sa Gingharian, panid 4, nagpatin-aw: “Kon dayag nga ang tawo nagamauswagon, bisan kon hinayhinay, ug nga siya nagaugmad ug pagpabili kon unsay iyang nakat-onan, nan ipadayon ang pagtuon sa Bibliya diha sa ikaduhang libro pagkahuman sa brosyur nga Gikinahanglan ug librong Kahibalo. . . . Sa tanang kahimtang, ang brosyur nga Gikinahanglan ug ang librong Kahibalo tun-an pag-una. Ang pagtuon sa Bibliya, mga pagbalikduaw, ug ang oras nga gigugol sa pagpadayon sa pagtuon angayng iphon ug itaho, bisan kon ang estudyante nabawtismohan na sa dili pa mahuman ang ikaduhang libro.”
Kinsa pa ang makabenepisyo gikan sa pagtuon sa Bibliya ginamit ang librong Simbaha ang Diyos? Ang mao gihapong artikulo nagpadayon: “Kon adunay pipila nga imong nahibaloan nga mituon [sa brosyur nga Gikinahanglan ug] sa librong Kahibalo sa miagi apan wala gayod mouswag ngadto sa pagpahinungod ug bawtismo, basin gusto mong mohimog unang tikang sa pagsusi kon buot ba nilang ipadayon ang ilang pagtuon sa Bibliya.” Mohimo kitag linaing panikaysikay nga makasugod ug mga pagtuon uban sa maong mga tawo ginamit ang librong Simbaha ang Diyos panahon sa Abril ug Mayo.