Kon Unsay Isulti Labot sa mga Magasin

Ang Bantayanang Torre Hun. 15

“Dili ka ba mouyon nga lisod ang pagbansay sa mga bata niining modernong kalibotan karon? [Tugoting motubag.] Matikdi kining pasalig nga molampos ang mga ginikanan. [Basaha ang Proverbio 22:6.] Kining gulaa sa Ang Bantayanang Torre naghatag ug praktikal nga tambag aron matabangan ang mga ginikanan sa pag-atubang ning maong hagit.”

Pagmata! Hun. 22

“Nagtuo ang uban nga dili-siyentipikanhon ang pagtuo sa Diyos. Apan nahibalo ka ba nga dunay mga siyentipiko nga nag-ingon nga ang siyensiya sa pagkatinuod nagpaluyo sa pagtuo sa usa ka Maglalalang? [Tugoting motubag.] Kining gulaa sa Pagmata! naghisgot sa pipila ka ebidensiya nga nakatukmod kanila sa pagkab-ot sa maong konklusyon.” Basaha ang Roma 1:20.

Ang Bantayanang Torre Hul. 1

“Sa mga panahon sa katalagman, daghan ang mangutana kon may pagtagad ba kaha ang Diyos sa mga tawo ug nagmatikod sa ilang pag-antos. Nahibulong ka ba niana sukad? [Tugoting motubag.] Kining magasina naghisgot kon sa unsang paagi ang Diyos nagpakitag kahingawa alang kanato karon ug kon sa unsang paagi siya naghatag ug pasukaranan sa pagwagtang sa tanang pag-antos.” Basaha ang Juan 3:16.

Pagmata! Hul. 8

“Alang sa daghang tawo, ang pagkatin-edyer maoy panahon sa kalipay ug mga hagit, di ba mouyon ka niana? [Tugoting motubag.] Kining magasina naghisgot sa mga kausaban nga maagian sa mga batan-on. Kini nagsusi usab sa pipila ka maalamong tambag nga makatabang kanila sa pagpahimulos sa labing maayo sa ilang pagkatin-edyer.” Basaha ang Ecclesiastes 12:1.