Kon Unsay Isulti Labot sa mga Magasin

Ang Bantayanang Torre Mayo 15

“Nahunahuna ba nimo sukad kon ang mga butang nga gihimo sa mga tawo dinhi sa yuta makaapektar sa Diyos? [Tugoting motubag.] Matikdi kon sa unsang paagi ang atong mga lihok makaapektar sa mga pagbati sa Diyos. [Basaha ang Proverbio 27:11.] Kining magasina naghisgot sa pipila ka panig-ingnan sa mga tawo nga nakapalipay sa kasingkasing sa Diyos, ug gipatin-aw niini kon sa unsang paagi mahimo usab nato kana.”

Pagmata! Mayo 22

“Ang medikal nga siyensiya nakahimog talagsaong kauswagan sa pagpakigbugno batok sa sakit, apan nagtuo ka ba nga makakita pa kitag kalibotan nga wala na gayoy sakit? [Tugoting motubag.] Kining magasina nagpatin-aw nga may adlaw ra nga ang tanan dinhi sa yuta makapahimulos ug hingpit nga panglawas ingong katumanan niining saara.” Basaha ang Isaias 33:24.

Ang Bantayanang Torre Hun. 1

“Gibati sa pipila ka tawo nga dili na kinahanglang magpasakop sa usa ka organisadong relihiyon aron simbahon ang Diyos. Nahibulong ka ba sukad bahin niana? [Tugoting motubag.] Kining magasina nagsusi sa rekord sa mga pakiglabot sa Diyos uban sa mga tawo sa nangaging panahon. Gihisgotan usab niini kon unsay kahulogan sa pagsimba sa Diyos uban ang kamatuoran.” Basaha ang Juan 4:24.

Pagmata! Hun. 8

“Daghang tawo karon ang nakasinatig kamingaw. Kini naglakip sa pagbati nga nag-inusara. Dili ka ba mouyon nga kini mahimong makapaguol? [Tugoting motubag. Dayon basaha ang Salmo 25:16.] Kining gulaa sa Pagmata! nagtanyag ug praktikal nga mga sugyot sa pagpakigbugno batok sa kamingaw.”