Kon Unsay Isulti Bahin sa mga Magasin

Ang Bantayanang Torre Mayo 15

“Malipay ka bang mopuyo ubos sa mga kahimtang nga gibatbat niining inspiradong bersikulo? [Basaha ang 2 Pedro 3:13. Unya patubaga.] Kining magasina mopatin-aw kon unsa ang bag-ong mga langit ug ang bag-ong yuta. Nagbatbat usab kini kon unsa gayod ka lahi ang pagkinabuhi sa dihang ang Diyos magtuman sa iyang katuyoan alang sa yuta.”

Pagmata! Mayo

“Nagtuo ang pipila ka tawo nga aron magmalamposon sa kalibotan karon, kinahanglang agresibo ka. Sa kasukwahi, matikdi kon unsay gisugyot ni Jesus. [Basaha ang Mateo 5:5, 9.] Mouyon ka ba niana? [Patubaga.] Kining magasina nagpasiugda sa tulo ka kaayohan sa pagkamakigdaiton.” Hisgoti ang artikulo nga nagsugod sa panid 28.

Ang Bantayanang Torre Hun. 1

“Sa kadaghanang kultura, tinahod ang mga tigulang sa nangaging panahon, ingon nga masabtan nato niining usa ka karaang balaod. [Basaha ang Levitico 19:32.] Sa imong hunahuna, gitahod ba gihapon karon ang mga tigulang? [Patubaga.] Kining magasina naghisgot kon sa unsang paagi ang Diyos nagtagad sa mga tigulang ug sa unsang paagi kita mahimong magtagad usab kanila.”

Pagmata! Hun.

“Ang terorismo dili bag-o, apan karon kini nahimong kaylap na sa tibuok kalibotan, nga apektado ang kinabuhi sa halos tanang tawo. Sa imong hunahuna, nganong naingon man kini? [Patubaga.] Kining gulaa sa Pagmata! nagpakita gikan sa Bibliya kon kanus-a matapos ang terorismo ug kon sa unsang paagi ipatungha sa Diyos ang tinuod nga kalinaw sa yuta.” Basaha ang Miqueas 4:4.