Kon Unsay Isulti Bahin sa mga Magasin

Ang Bantayanang Torre Hun. 15

“Posible ba nga ikaw magmalipayon bisan pa sa mga suliran nga atong giatubang? [Patubaga.] Gihisgotan niining magasina ang usa ka tinubdan sa giya nga makatabang kanato aron magmalamposon sa pagsagubang sa mga suliran sa kinabuhi. Naghisgot usab kini bahin sa makapalig-ong gahom sa tinuod nga paglaom.” Basaha ang Pinadayag 21:3, 4.

Pagmata! Hun.

“Dili ka ba mouyon nga ang di pa dugayng mga katalagman nagpasabot nga hinungdanon gayod nga mamati sa mga pasidaan? [Patubaga.] Gihisgotan niining artikuloha ang mga leksiyon nga nakat-onan sa mga naluwas sa Bagyong Katrina. Naghisgot usab kini bahin sa usa ka pasidaan nga kinahanglang pamatian natong tanan karon.” Ipakita ang artikulo nga magsugod sa panid 14.

Ang Bantayanang Torre Hul. 1

“Sa kalibotan karon nga napunog mga suliran, ang daghang tawo mangutana: ‘Nganong ang kinabuhi napunog mga suliran? Kon adunay Diyos, nganong wala siyay gibuhat aron wad-on ang pag-antos?’ Nahibulong ka ba sukad bahin niana? [Patubaga.] Kining magasina naghatag sa mga katin-awan sa maong mga pangutana.” Basaha ang 2 Timoteo 3:16.

Pagmata! Hul.

“Karong panahona, daghan ug daghang kaminyoon ang nabug-atan sa mga suliran. Sa imong hunahuna ang mga magtiayon makabenepisyo kaha kon ilang ipadapat kining inspiradong tambag? [Basaha ang Efeso 4:32. Unya patubaga.] Kining gulaa sa Pagmata! naghisgot sa natigi nang mga prinsipyo sa Bibliya nga makatabang kanato sa pag-ugmad ug malipayong kaminyoon.”