Distritong Kombensiyon Nagpasibot Kanato sa Paglakaw Uban sa Diyos

Gipasiugda gayod sa “Lakaw Uban sa Diyos” nga Distritong Kombensiyon ang tin-awng sugo ni Jehova: “Mao kini ang dalan. Lakaw kamo niini”! (Isa. 30:21) Ang pagpadapat sa instruksiyon nga atong nadawat motabang kanato sa ‘pagbantay pag-ayo sa atong linaktan.’ (Efe. 5:15) Ang pagpamalandong sa atong nakat-onan mobulig kanato samtang kita ‘padayong nagalakaw diha sa kamatuoran.’—3 Juan 3.

Gamita ang mosunod nga mga pangutana uban sa imong personal nga mga nota agig pagpangandam ug pagpakigbahin sa repaso sa programa sa kombensiyon niining tuiga. Ang repaso pagahimoon sa Tigom sa Pag-alagad sa semana sa Pebrero 21.

1. Sa unsang paagi si Enoc nakaarang sa paglakaw uban sa Diyos bisan pag nagkinabuhi sa malisod nga panahon? (Heb. 11:1, 5, 6; Jud. 14, 15; “Lakaw Uban sa Diyos Niining Malisod nga Panahon”)

2. Unsang mga bahina sa kinabuhi nga mapadapat ang prinsipyo sa Lucas 16:10? (“Ikaw ba ‘Matinumanon sa Labing Gamay’?”)

3. (a) Nganli ang upat ka praktikal nga mga leksiyon nga makita sa Oseas kapitulo 6 hangtod sa 9 nga motabang kanato sa paglakaw uban sa Diyos. (Os. 6:6, 7; 7:14; 8:7) (b) Unsang dugang mga punto gikan sa Oseas kapitulo 10 hangtod sa 14 ang motabang kanato sa paglakaw uban sa Diyos? (“Ang Tagna ni Oseas Makatabang Kanato sa Paglakaw Uban sa Diyos”—Simposyum)

4. Unsa ang praktikal nga mga butang nga mahimo sa Kristohanong mga bana ug asawa aron magpabiling lig-on ang ilang panagtiayon? (Prov. 12:4; Efe. 5:29; “Ayaw Bulaga ‘Kon Unsay Gihiusa Pagyugo sa Diyos’”)

5. Sa unsang paagi atong ikapakita ang pagtahod alang sa atong sagradong mga panagkatigom? (Eccl. 5:1; Isa. 66:23; “Pagpakitag Pagtahod Alang sa Atong Sagradong mga Panagkatigom”)

6. (a) Unsa ang tulo ka hinungdanong mga bahin sa atong buluhatong pagwali nga angay natong analisahon aron maseguro nga kita adunay bililhong pagpakig-ambit niana? (Isa. 52:7; Zac. 8:23; Mar. 6:34) (b) Unsang mga bahina sa publikasyong Good News for People of All Nations ang nakita nimong mapuslanon gayod? (“Maayong Balita Alang sa mga Tawo sa Tanang Kanasoran”; “Pagtabang sa mga Tawo nga Nagsulti ug Laing Pinulongan”)

7. Sa unsang paagi atong matabangan ang mga bag-ohan nga makabatog kompiyansa sa pagpresentar sa mensahe sa Gingharian? (Maghu. 7:17; “Pagtabang sa Daghan sa Pagduyog Kanato Diha sa Ministeryo”)

8. Sa unsang paagi atong ikapakita ang atong pagtuo nga “ang dakong adlaw ni Jehova haduol na”? (Sof. 1:14; “Nagalakaw Pinaagi sa Pagtuo, Dili Pinaagi sa Makita”)

9. (a) Unsa ka seryoso ang butang bahin sa pagkapandol? (Mar. 9:42-48) (b) Sa unsang paagi malikayan natong mapandol? (Sal. 119:165) (c) Sa unsang paagi malikayan natong makapandol sa uban? (1 Cor. 10:24; “Paglikay nga Dili Makahatag ug ‘Bisan Unsang Hinungdan sa Pagkapandol’”)

10. Sa unsang paagi atong mahuptan ang atong pagkatimbang maylabot sa pagpangitag kapikas sa kaminyoon, pagpangagpas ug maayong panglawas, ug pagdumala sa mga kalihokan sa negosyo? (Sal. 26:4; Mat. 6:25; 1 Tim. 6:9; “Hupti Ninyo sa Bug-os ang Maayong Panghunahuna”)

11. (a) Unsay angayng matikdan bahin sa mga higayon diin napahimuslan ni Jesus ang pagkamaabiabihon sa uban? (Luc. 10:42; 24:32) (b) Sa unsang paagi atong matagbaw ang mga panginahanglan sa paglingawlingaw nga makapahayahay kanato ug sa uban? (1 Cor. 10:31-33; “Maayong mga Kalihokan nga Makapahayahay”)

12. Sumala sa ika-23 nga Salmo, unsang mga panalangin ang atong madawat ingong mga karnero ni Jehova, ug unsa ang atong mga kaakohan? (1 Cor. 10:21; “Si Jehova Mao ang Atong Magbalantay”)

13. Sa unsang paagi tumanon sa mga Kristohanon ang inspiradong tambag nga ‘paliton ang nahiangay nga panahon’? (Efe. 5:16; ‘Palita ang Nahiangay nga Panahon’)

14. (a) Naglakip sa unsa ‘ang takna sa paghukom’ nga gihisgotan sa Pinadayag 14:7? (b) Sa unsang paagi atong pamatud-an nga kita nahimulag gayod gikan sa Dakong Babilonya? (“‘Padayon sa Pagbantay’—Ang Takna sa Paghukom Miabot Na”) (c) Unsang mga punto ang imong nagustohan gikan sa brosyur nga Padayon sa Pagbantay!?

15. Nganli ang tulo ka hiyas nga gikinahanglan aron kita dili ‘mobiya sa matul-id nga dalan.’ (2 Ped. 2:15; “Pagbantay Batok sa ‘Pagbiya sa Matul-id nga Dalan’”)

16. Sa unsang paagi isalikway sa mga batan-on ang “dalan sa mga daotan”? (Prov. 4:14; “Mga Batan-on—Lakaw Diha sa Dalan sa Pagkamatarong”)

17. (a) Sa unsang mga paagi si Pablo usa ka ekselenteng panig-ingnan sa pagkamalahutayon? (Buh. 14:19, 20; 16:25-33) (b) Nganong dili kita angayng mahadlok sa mga kaaway sa matuod nga pagsimba? (Drama ug pakigpulong nga “Magpamatuod sa Bug-os Karon Bisan pa sa Pagsupak”)

18. Unsang mga panalangin ang modangat niadtong nagalakaw uban sa Diyos? (“Ang Paglakaw Uban sa Diyos Magdalag mga Panalangin Karon ug sa Walay Kataposan”)

Hinaot determinado kitang maminaw pag-ayo sa ‘pulong sa atong luyo’ aron makalakaw uban sa atong langitnong Amahan sa walay kataposan.—Isa. 30:21; Juan 3:36.