Kon Unsay Isulti Bahin sa mga Magasin
Ang Bantayanang Torre Hun. 15
“Kadaghanan kanato mogugol sa kinadak-ang bahin sa atong kinabuhi sa pagtrabaho. Ang pipila naghunahuna nga kini panalangin; ang uban naghunahuna nga kini tunglo. Unsay imong hunahuna? [Patubaga. Dayon basaha ang Ecclesiastes 2:24.] Gipakita niining magasina kon sa unsang paagi ang Bibliya makatabang aron makabaton kitag balanseng panglantaw bahin sa trabaho. Naghisgot usab kini kon sa unsang paagi dumalahon ang kapit-os nga nalangkit sa trabaho.”
Pagmata! Hun. 22
“Nagtuo ka ba nga ang atong komunidad mahimong mas maayong dapit kon ipadapat sa tanang tawo kining mga pulonga diha sa iyang kinabuhi? [Basaha ang Efeso 4:28. Dayon patubaga.] Gihisgotan niining magasina ang daotang epekto nga antoson natong tanan tungod sa pagpangawat ug mga baligya. Kini naghisgot usab nga ang pagpangawat ug mga baligya, ug ang uban pang matang sa mga krimen, pagahanawon sa dili madugay.”
Ang Bantayanang Torre Hul. 1
“Kitang tanan may nailhang mga tawo nga daw malamposon apan mibati gihapon nga dunay nakulang sa ilang kinabuhi. Sa imong hunahuna, unsa kahay ilang gipangita? [Patubaga. Dayon basaha ang Mateo 5:3.] Kining magasina naghisgot sa usa ka hinungdanong paagi aron maangkon ang kalinaw sa kahiladman—ang pagtagbaw sa atong espirituwal nga panginahanglan.”
Pagmata! Hul. 8
“Karong panahona nga maindigon kaayo ang pagpangempleyo, ang pagkawalay-trabaho maoy dakong suliran. Kining magasina naghisgot ug lima ka epektibong paagi kon unsaon sa pagpangitag trabaho. [Ipasiugda ang tataw nga mga sub-ulohan diha sa artikulong “Lima ka Epektibong Paagi sa Pagpangitag Trabaho.”] Kini naghatag usab ug praktikal nga mga sugyot kon sa unsang paagi mahuptan ang trabaho.” Basaha ang Proverbio 22:29, nga gikutlo sa panid 10.