Kon Unsay Isulti Bahin sa mga Magasin

Ang Bantayanang Torre Oktubre 1

“Daghan karon ang nawad-an nag pagtuo sa usa ka Maglalalang. Sa imong hunahuna, unsa kahay hinungdan niana? [Patubaga.] Gihisgotan niining tekstoha ang usa sa posibleng hinungdan. [Basaha ang Habacuc 1:2, 3.] Kining artikuloha magtul-id sa mga pagduhaduha bahin sa Diyos nga maoy nakaingon nga ang mga tawo kulang ug pagtuo kaniya.” Ipasiugda ang artikulo sa panid 11.

Pagmata! Oktubre

“Mouyon ka ba nga ang mga pamilya karon nag-atubang ug daghang problema? [Patubaga.] Daghan ang wala mahibalo sa praktikal nga mga tambag nga mabasa sa Bibliya. Aniay usa ka pananglitan. [Pagbasag usa ka teksto nga anaa sa magasin.] Kining espesyal nga gula sa Pagmata! nagpakita kon sa unsang paagi ang mga prinsipyo sa Bibliya makatabang sa mga pamilya sa pagsagubang sa lainlaing problema.”

Ang Bantayanang Torre Nobyembre 1

“Sa imong hunahuna, ang tanan bang ginatudlo diha sa simbahan gipasukad sa Bibliya? [Patubaga.] Ang Bibliya nagpasidaan kanato nga kinahanglan kitang magbantay aron dili malimbongan sa bakak nga mga pagtulon-an. [Basaha ang Colosas 2:8.] Kini nga magasin naghisgot sa unom ka pagtulon-an nga gituohan sa kadaghanan apan sukwahi sa Pulong sa Diyos.”

Pagmata! Nobyembre

“Kadaghanan sa mga tawo adunay mga kasangkapan sama sa cell phone ug kompiyuter. Sa imong hunahuna, ang paggamit ba ug teknolohiya makadaginot o makausik ug panahon? [Patubaga.] Daghan ang mouyon niining maong tambag bahin sa maalamong paggamit sa panahon. [Basaha ang Efeso 5:15, 16.] Kini nga magasin naghisgot kon unsaon nato paggamit ang teknolohiya sa timbang nga paagi.”