Kon Unsay Isulti Bahin sa mga Magasin

Ang Bantayanang Torre Hunyo 1

“Daghan ang mokonsulta sa ilang horoscope sa dili pa mohimog mga desisyon. Sa imong hunahuna, ang mga bituon ba dunay kalabotan sa atong kinabuhi? [Patubaga.] Abi nimo, ang Bibliya naghisgot ug mga konstelasyon sa zodiac. [Basaha ang 2 Hari 23:5.] Kini nga artikulo naghisgot kon unsay hunahuna sa Bibliya bahin niana.” Ipakita ang artikulo sa panid 18.

Pagmata! Hunyo

“Ang mga simbahan kasagarang magpabayad alang sa mga bawtismo, kasal, ug mga serbisyo sa paglubong. Sa imong hunahuna, angay ba kana? [Patubaga.] Matikdi kon unsay giingon ni Jesus sa iyang mga disipulo. [Basaha ang Mateo 10:7, 8b.] Gipakita niining artikuloha kon unsay giingon sa Bibliya bahin sa pagpabayad sa relihiyosong mga serbisyo.” Ipakita ang artikulo sa panid 22.

Ang Bantayanang Torre Hulyo 1

“Ang Labing Gamhanan gitawag lamang sa mga tawo ug Diyos. Apan, nahibalo ka ba nga ang Bibliya nagtug-an kanato sa ngalan sa Diyos? [Patubaga. Dayon basaha ang Isaias 42:8a.] Kining magasina nagsaysay kon nganong ang ngalan sa Diyos gitangtang diha sa pipila ka hubad sa Bibliya ug kon nganong importante nga kita makaila sa ngalan sa Diyos.”

Pagmata! Hulyo

“Daghan ang nabalaka sa kahimtang sa ekonomiya. Naguol ang nawad-ag trabaho, ug kadtong may trabaho nabalaka nga basin mawad-an niini. Sa imong hunahuna, makatabang kaha kanato kining tambaga sa pagsagubang niana? [Basaha ang Mateo 6:34. Unya patubaga.] Kining magasina dunay praktikal nga mga sugyot kon unsaon pagdumala sa atong kinitaan ug emosyon.”