Sa Pagsugod ug Pagtuon sa Bibliya sa Unang Sabado sa Septiyembre

“Ang mga tawo bisag unsay nasyonalidad ug relihiyon mag-ampo kada adlaw. Sa imong hunahuna, dunggon kaha sa Diyos ang tanang pag-ampo?” [Patubaga.] Dayon hatagi siyag kopya sa Septiyembre 1 nga Bantayanang Torre, ug hisgoti ang unang sub-ulohan sa panid 16 ug bisag usa lang ka teksto. Itanyag ang mga magasin, ug ingna nga mobalik ka aron hisgotan ang sunod nga pangutana.

Ang Bantayanang Torre Septiyembre1

Ipakita ang hapin sa magasin, ug isulti kini: “Unsay imong tubag niining pangutanaha? [Patubaga.] Matikdi kon unsay giingon sa Bibliya. [Basaha ang 1 Juan 5:19.] Sumala dinhi, ang kalibotan gimandoan sa ‘usa nga daotan’ o sa Yawa. Apan ang pangutana mao: Diin gikan ang Yawa? Tinuod ba siyang persona? Hangtod kanus-a siya tugotan sa Diyos nga magmando? Gihisgotan niining magasina kon unsay giingon sa Bibliya.”

Pagmata! Septiyembre

“Daghan karon ang nagkaproblema tungod sa kuwarta. Ngano kahang lisod mapaigo ang atong kinitaan? [Patubaga.] Dunay maalamong mga pulong ang Bibliya nga nakatabang sa daghan sa pagdumala sa ilang panalapi. [Pagbasag usa ka teksto diha panid 8-9.] Kining magasina naghatag ug praktikal nga mga sugyot alang sa naproblema sa utang.”