Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Septiyembre

“Daghan ang nagtuo nga moabot ang adlaw nga sila hukman sa Diyos sumala sa ilang binuhatan. Para nimo, ang Adlaw sa Paghukom ba makapahinam o makahahadlok? [Patubaga.] Matikdi ang giingon dinhi.” Itunol ang Septiyembre 1 nga Bantayanang Torre, ug hisgoti ninyo ang unang sub-ulohan sa panid 16 ug basaha bisag usa lang ka teksto. Itanyag ang mga magasin, ug ingnang mobalik ka aron hisgotan ang sunod nga pangutana.

Ang Bantayanang Torre Septiyembre 1

“Sa daghang bahin sa kalibotan, ang mga babaye nag-antos sa diskriminasyon ug pagmaltratar. Ikasubo nga usa ka hinungdan niini mao ang relihiyosong mga tinuohan. Sa imong hunahuna, ang Diyos ba may kahingawa sa mga babaye? [Patubaga.] Matikdi ang giingon sa Bibliya kon unsaon pagtratar sa bana ang iyang asawa. [Basaha ang Efeso 5:​28, 29.] Gipakita niining magasina kon unsay panglantaw sa Diyos bahin sa mga babaye.”

Pagmata! Septiyembre

“Daghan ang nag-ingon nga sa umaabot malaglag ang tanang may kinabuhi sa yuta, pinaagi tingalig nukleyar nga gubat o kinaiyanhong katalagman, sama sa usa ka asteroid o pagkausab sa klima sa tibuok kalibotan. Sa imong hunahuna, angay bang tuohan ang mga prediksiyon bahin sa kataposan sa kalibotan, o kini hinanduraw lamang? [Patubaga.] Ang Bibliya dunay makapahupayng saad. [Basaha ang Salmo 37:29.] Kini nga magasin naghisgot sa pipila ka gituohang situwasyon nga makalaglag sa kalibotan ingon man sa gipadayag sa Bibliya kon unsay mahitabo sa umaabot.”