Pangutana

◼ Kinsay angayng mopil-ap sa mga kupon ug mga order diha sa Internet?

Ang atong mga publikasyon dunay mga kupon nga kapil-apan ug ipadala ngadto sa sangang buhatan aron makahangyog literatura o magpaduaw sa mga Saksi ni Jehova. Dugang pa, ang atong Web site nga www.watchtower.org mahimong gamiton sa paghangyog pagtuon sa Bibliya. Pinaagi niini daghan ang natabangan nga makakat-on sa kamatuoran. Apan mitungha ang mga problema sa dihang gigamit kini sa mga magmamantala aron ang ilang mga paryente o ang uban makadawat ug literatura o maduaw sa mga Saksi.

Ang uban nga gipadad-ag literatura nga wala nila ordera gikan sa sangang buhatan mireklamo, ug gibati nilang gisamoksamok sila sa atong organisasyon. Ang mga magmamantala nga nakadawat ug notice sa pagduaw niadtong wala mohangyong magpaduaw mahigawad intawon kon ang maong tawo masuko. Busa ang mga order diha sa atong Web site o pinaagig mga kupon kinahanglang himoon sa mga interesado mismo ug dili kay mga magmamantala ang mohimo niini alang sa uban. Kon matino nga magmamantala ang nag-order niini alang sa uban, sagad dili kini ipadala.

Nan, sa unsang paagi nato matabangan ang usa ka paryente o higala aron makakat-on sa kamatuoran? Kon gusto kang moregalo ug literatura, direkta kining ipadala kaniya? Kon interesado siya ug buot magpaduaw sa mga Saksi apan wala ka masayod kon unsaon pagkontak ang mga ansiyano sa ilang dapit, pagsumiter ug Please Follow Up (S-43) sa inyong sekretaryo. Iya kining repasohon ug ipadala sa sangang buhatan. Apan kon ang interesado anaa sa bilanggoan, rehabilitation center, o ospital, ayawg kontaka ang sangang buhatan aron duawon sila o padad-ag literatura. Hinuon, dasiga siya sa pagkontak sa mga igsoon nga miduaw sa maong mga dapit o sa pagsulat sa sangang buhatan.