Atimana Dayon

Sukad nga gibag-o ang atong Web site, daghan kaayog online request nga magpa-Bible study. Daghan sab ang nadawat nga mga request tungod sa publikong pagsangyaw. Kini atimanon dayon sa sangang buhatan kutob sa maarangan. Pananglitan, kon ang request gihimo diha sa jw.org, ang mga ansiyano sa teritoryo diin nagpuyo ang interesado pahibaloon sa sangang buhatan paglabay lag duha ka adlaw. Apan sumala sa mga report, dunay nagpadalag request nga wala kontaka sa pipila ka semana. Unsaon nato pagtabang ang mga interesado una pa mawala ang ilang interes?—Mar. 4:14, 15.

Kon ang interesado wala magpuyo sa inyong teritoryo, pagpil-ap dayon ug Please Follow Up (S-43) form ug ihatag kini ngadto sa sekretaryo sa sunod tigom. Sulod sa usa o duha ka adlaw, kinahanglan kining ipadala sa sekretaryo ngadto sa nahiangayng kongregasyon o sa sangang buhatan diha sa seksiyon nga Congregation sa jw.org. Importanteng regular nga ablihan sa mga ansiyano ang Web site. Kon makadawat silag mensahe nga dunay interesadong magpaduaw, angayng atimanon dayon kini. Kinahanglang duawon dayon siya sa igsoon nga iasayn. Kon ang interesado wala sa balay panahon sa pagduaw, pagbilin ug mubong impormasyon kon unsaon ka pagkontak.