Kampanya nga Dunay Resulta

Tulo ka semana una mosugod ang kombensiyon, ang mga kongregasyon makigbahin na usab sa kampanya sa pagdapit ug mga interesado sa ilang teritoryo sa pagtambong. May resulta ba ang atong kampanya bisan pag ang mga interesado mobiyaheg layo aron pagtambong?

Human sa di pa dugay nga distritong kombensiyon, ang usa ka sangang buhatan nakadawat ug sulat sa usa ka babaye nga nakakitag imbitasyon sa iyang pultahan. Sagad motago siya dihang manuktok ang mga Saksi. Misulat siya: “Ako may nindot nga balay, buotang bana, ug abi nakog duna na ko sa tanang butang nga makahatag nakog kalipay. Ikasubo, wala gihapon ko malipay, ug ang akong kinabuhi walay kapuslanan. Busa midesisyon ko nga modrayb ug 320 kilometros aron motambong sa programa sa Sabado.” Nagustohan niya pag-ayo ang kombensiyon mao nga giteleponohan niya ang iyang bana nga didto ra siya matulog aron makatambong usab sa Dominggo. “Namati ko sa tanang pakigpulong, nahimamat ko ang daghang Saksi, ug nakaingon ko nga maayog dili na unta ni matapos.” Pagkauli sa balay, siya misugod pagtuon ug paglabay sa upat ka bulan nahimong dili-bawtismadong magmamantala. “Nalipay ko kaayo nga nakit-an nako ang imbitasyon sa akong pultahan kay ang akong kinabuhi karon duna nay katuyoan!”

Ang pipila nga makadawat ug imbitasyon motambong. Busa, makigbahin nga masiboton niining importanteng kampanya. Dad-a ang nabiling imbitasyon ngadto sa kombensiyon, ug gamita sa di-pormal nga pagsangyaw.

[Kahon sa panid 5]

Unsaon Pagtanyag sa Imbitasyon?

Kita mahimong moingon: “Hello. Nagpakigbahin mi sa tibuok-kalibotan nga pagpanagtag niini nga imbitasyon. Kopya ni nimo. Mabasa nimo ang dugang detalye diha sa imbitasyon.” Magmainiton. Dihang makigbahin sa kampanya sa hinapos sa semana, itanyag usab nato ang mga magasin kon nahiangay.