Makadapit Ka Ba?

Sa daghang kongregasyon, dunay mga magmamantala nga dili kaayo kasangyaw tungod sa laygay nga sakit o pagkatigulang. (2 Cor. 4:16) Makadapit ka bag usa kanila nga mokuyog sa Bible study? Kon ang magmamantala dili gyod makagawas sa balay, puwedeng dumalahon ang Bible study diha mismo sa iyang balay. Mahimo bang ikuyog nimo panagsa ang usa ka infirm nga magmamantala sa pagsangyaw sa pipila ra ka balay o sa usa o duha ka balikduaw? Ang daghang tigulang nga magmamantala eksperyensiyado sa pagsangyaw. Busa, ang imong pagdapit makapadasig kanila ug makabenepisyo sab kanimo. (Roma 1:12) Gawas pa, gantihan ni Jehova ang imong paningkamot sa pagpakitag gugma niining paagiha.—Prov. 19:17; 1 Juan 3:17, 18.