Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Nobyembre

“Duna miy importanteng tuyo. Nangutana mi sa mga tawo bahin sa ilang paglaom sa umaabot, ug daghan ang miingon nga gusto silang mahilangit. Mao ba pod nay imong gusto? [Patubaga.] Makapainteres ang pangutana niining magasina, ‘Kinsa ang moadto sa langit, ug ngano?’” Ipakita ang kataposang panid sa Nobyembre 1 nga Bantayanang Torre, ug basaha ninyo ang unang parapo ug ang teksto. Kon interesado, hisgoti ang ikaduhang parapo. Itanyag ang magasin, ug ingna nga mobalik ka aron hisgotan ang sunod nga pangutana.

Ang Bantayanang Torre Nobyembre 1

“Para nimo, unsa ang kinalabwang bakak nga gisulti bahin sa Diyos? [Patubaga.] Ang Bibliya nag-ingon nga gusto sa Diyos nga kita mahigugma ug mosalig kaniya. [Basaha ang Isaias 41:13.] Gihisgotan niining magasina ang tulo ka bakak bahin sa Diyos nga tungod niana daghan ang nalisdan sa paghigugma kaniya.”

Pagmata! Nobyembre

“Daghan ang nabalaka bahin sa pagkadaot sa moralidad. Sa imong hunahuna, mas ubos na ba ang moralidad sa mga tawo karon? [Patubaga.] Ang Bibliya nagtagna nga mausab ang tinamdan ug kinaiya sa mga tawo. [Basaha ang 2 Timoteo 3:1-5.] Gihisgotan niining magasina kon nganong makasalig ta sa mga prinsipyo sa Bibliya bahin sa moralidad.”