Sampol nga mga Presentasyon

Alang sa Kampanya sa Memoryal

“Nanagtag mig imbitasyon para sa hinungdanon kaayong okasyon. Sa Abril 14, minilyon sa tibuok kalibotan ang magtigom sa paghandom sa kamatayon ni Jesu-Kristo ug mamatig libreng diskurso sa Bibliya kon unsay mga benepisyo sa iyang kamatayon alang kanato. Ania sa imbitasyon ang dapit ug oras sa tigom nga himoon sa atong lugar.”

Ang Bantayanang Torre Abril 1

“Nakig-estorya mi sa mga tawo bahin sa pag-ampo. Halos tanan nag-ampo, bisag unsay ilang relihiyon. Sa imong hunahuna, tubagon ba sa Diyos ang mga pag-ampo, o makapagaan lang kini sa pagbati? [Patubaga.] Kini ang giingon sa Bibliya bahin sa pag-ampo. [Basaha ang 1 Juan 5:14.] Gipatin-aw niini nga magasin ang mga kaayohan kon kita mag-ampo.”

Pagmata! Abril

“Nia mi kay gusto namong makatabang bahin sa usa ka problema nga komon kaayo karon. May mga tawo man god nga nakahunahunag hikog tungod sa kadaghan sa ilang problema. Sa imong hunahuna, dihang maguol pag-ayo ang usa, gusto ba gyod niyang mamatay, o gusto lang niyang mawala ang iyang problema? [Patubaga.] Aniay saad sa Bibliya nga nakatabang sa daghang tawo nga magmapositibo kanunay. [Basaha ang Pinadayag 21:3, 4.] Gihisgotan niining magasina ang tulo ka rason kon nganong angayng mahalon ang kinabuhi bisan pa sa mga problema.”