Sampol nga mga Presentasyon

Sa pagsugod ug pagtuon sa Bibliya sa unang Sabado sa Marso

“Nagduaw mi kay sa Abril 14 anibersaryo sa kamatayon ni Jesus. Handomon sa pipila ang maong okasyon kay gibati nilang importante ang iyang kamatayon. Ang uban wa mahibalo kon unsa ka hinungdanon ang kamatayon ni Jesus. Nagtuo ba ka nga ang kamatayon ni Jesus makahatag kanatog kaayohan?” Patubaga. Ipakita ang likod sa Marso 1 nga Bantayanang Torre, ug hisgoti ang unang pangutana ug ang usa sa gisitar nga teksto. Itanyag ang mga magasin, ug pakigsabot nga mobalik ka aron hisgotan ang sunod nga pangutana.

Ang Bantayanang Torre Marso 1

“Daghan ang nakapangutana kon nganong wa pa taposa sa Diyos ang inhustisya ug pag-antos sa kalibotan. Tungod ba kay ang Diyos way pagtagad o tungod kay gibati niya nga makaayo sa tawo nga mag-antos? [Patubaga. Unya basaha ang Juan 3:16.] Bisag daghan ang nagkutlo niini aron ipakita nga may pagtagad ang Diyos, wa sila mahibalo kon unsay kaayohan sa kamatayon sa anak sa Diyos alang kanila. Kini nga magasin nagpatin-aw kon sa unsang paagi ang kamatayon ni Jesus magtapos sa inhustisya ug pag-antos sa yuta.”

Pagmata! Marso

“Nagduaw mi aron ipatin-aw ang sayop nga pagsabot sa daghan sa giingon sa Bibliya sa Genesis 1:1. [Basaha.] Daghan ang nagtuo nga gilalang ang uniberso, apan ang uban dili motuo. Ikaw, unsay imong hunahuna? [Patubaga.] Daghan ang nalisdan pagtuo sa paglalang tungod sa gitudlo sa mga lider sa relihiyon nga wala sa Bibliya. Kining magasina naghatag ug makataronganon ug katuohan nga eksplinasyon sa Bibliya bahin sa sinugdanan sa uniberso.”