Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Marso

“Daghan ang nagsaulog sa pagkatawo ni Jesus, apan sa imong hunahuna importante ba nga dumdomon ang iyang kamatayon?” Patubaga. Dayon itunol kaniya ang Marso 1 nga Bantayanang Torre, ug hisgoti ninyo ang unang sub-ulohan sa panid 16 ug basaha bisag usa lang sa mga teksto. Pakigsabot nga mobalik ka aron hisgotan ang sunod nga pangutana.

Ang Bantayanang Torre Marso 1

“Adunay daghang relihiyon ug denominasyon nga lainlaig tinuohan ug tulumanon. Para nimo, ang tanan bang nag-angkong Kristohanon tinuod gayong Kristohanon? [Patubaga.] Sumala kang Jesus, kini maoy usa ka ilhanan sa matuod nga mga Kristohanon. [Basaha ang Juan 13:34, 35.] Kining magasina naghisgot sa lima ka pamulong ni Jesus nga makatabang kanato sa pag-ila sa iyang matuod nga mga sumusunod.”

Pagmata! Marso

“Nakigsulti mi sa mga tawo bahin sa makapabalaka nga kinaiya karon. Morag mas daling masuko ang mga tawo karon. Unsa kahay hinungdan? [Patubaga.] Matikdi ang giingon sa Bibliya bahin sa kasuko. [Basaha ang Salmo 37:8.] Kining magasina naghisgot sa pipila ka rason kon nganong mas daling masuko ang mga tawo karon ug kon unsaon nato pagpugong sa atong kasuko.”