Sampol nga mga Presentasyon

Alang sa Kampanya sa Memoryal

“Nanagtag mig imbitasyon para sa importante kaayong okasyon. Sa Abril 3, minilyon sa tibuok kalibotan ang magtigom aron handomon ang kamatayon ni Jesu-Kristo ug maminawg libreng diskurso kon nganong makabenepisyo ta sa iyang kamatayon. Ania sa imbitasyon ang oras ug adres diin kini himoon sa atong lugar.”

Ang Bantayanang Torre Marso 1

“Sa Abril 3 ang anibersaryo sa kamatayon ni Jesu-Kristo. Ang pipila dinhi sa atong lugar magtigom aron saulogon kini, pero daghan ang naghunahuna nga dili importante ang kamatayon ni Jesus. Para nimo, makabenepisyo kaha ta sa kamatayon ug pagkabanhaw ni Jesus? [Patubaga.] Matikdi ang giingon sa Bibliya bahin niini. [Basaha ang 1 Corinto 15:22, 26.] Gihisgotan niining magasina ang usa ka benepisyo sa halad lukat ni Jesus, nga sa umaabot wala nay mamatay dinhi sa yuta.”

Pagmata! Marso

“Miduaw mi kadiyot aron ipakita ang bag-ong gula sa Pagmata! [Ipakita ang hapin sa magasin.] Lainlaig opinyon ang mga tawo niining unang pangutana: ‘Aduna bay Diyos?’ Para nimo, kinsay mas positibog panglantaw sa umaabot—kadtong nagtuo sa Diyos o kadtong wala? [Patubaga.] Dunay gisaad ang Diyos nga makahatag ug paglaom sa daghang tawo. [Basaha ang Salmo 37:10, 11.] Gihisgotan niining magasina ang upat ka rason kon nganong susihon nato kon naglungtad ba ang Diyos.”