Sampol nga mga Presentasyon

Alang sa Kampanya sa Memoryal

“Duna miy imbitasyon para sa inyong pamilya. Bahin kini sa hinungdanong okasyon nga saulogon sa tibuok kalibotan karong Marso 26. Anibersaryo kini sa kamatayon ni Jesus. Dunay libreng diskurso sa Bibliya nga magpatin-aw kon unsay kaayohan sa kamatayon ni Jesus alang kanato. Anaa sa imbitasyon ang adres ug oras nga kini himoon sa atong dapit.”

Ang Bantayanang Torre Marso 1

“Ang pipila nangutana, ‘Unsaon nato pagkahibalo nga nabanhaw gayod si Jesus?’ Nakapangutana ba pod ka ana? [Patubaga.] Matikdi kon nganong hinungdanon ang tubag sa maong pangutana. [Basaha ang 1 Corinto 15:14.] Gihisgotan niining magasina ang mga ebidensiya nga tinuod gayod nga nabanhaw si Jesus.”

Pagmata! Marso

“Mouyon ka ba nga dili lalim ang pagpadako ug mga anak karon? [Patubaga.] Daghang ginikanan ang natabangan sa maayong tambag sa Bibliya. Pananglitan, kining bersikuloha nakatabang sa mga amahan nga mangitag higayon sa pagdayeg sa ilang mga anak aron makabaton silag pagsalig sa kaugalingon. [Basaha ang Colosas 3:21.] Gihisgotan niining artikuloha ang lima ka prinsipyo nga makatabang sa mga amahan.”