Pagpauswag sa Atong Kahanas sa Ministeryo—Pag-andam sa Atong Introduksiyon

Kon Nganong Hinungdanon: Kon ang atong introduksiyon dili makapainteres, lagmit putlon sa tagbalay ang panag-estorya una pa kita makasangyaw. Busa giisip sa daghang magmamantala ang introduksiyon ingong labing importanteng bahin sa ilang presentasyon. Dunay sampol nga mga presentasyon diha sa Atong Ministeryo sa Gingharian ug sa librong Nangatarongan, apan ang mga introduksiyon diha niini usahay dili kompleto aron makapailin-ilin kita sa atong isulti. Bisan kon kompleto ang presentasyon, mahimo kining usbon sa mga magmamantala o kaha mangandam silag kaugalingong presentasyon. Ang punto, kita mahimong mas epektibo kon kita mangandam pag-ayo sa atong introduksiyon imbes mosultig bisan unsa nga atong mahunahunaan inig-atubang nato sa tagbalay.—Prov. 15:28.