Pagpauswag sa Atong Kahanas sa Ministeryo—Pagpakitag Personal nga Interes
Kon Nganong Hinungdanon: Si Jesus nagpakitag gugma ug personal nga interes sa matag indibiduwal. Pananglitan, may higayong namatikdan ni Jesus nga naulaw ang usa ka bungol, maong giayo siya ni Jesus nga silasila ra, nga dili makita sa daghang tawo. (Mar. 7:31-35) Agig pagpakitag konsiderasyon sa iyang mga tinun-an, iyang giila ang ilang limitasyon ug wala niya sila lumsi ug daghang impormasyon. (Juan 16:12) Bisag tua na sa langit, si Jesus nagpakita gihapon ug personal nga interes. (2 Tim. 4:17) Ingong mga sumusunod ni Kristo, gusto nato siyang sundogon. (1 Ped. 2:21; 1 Juan 3:16, 18) Dugang pa, mas epektibo kita sa ministeryo kon magpakita kitag konsiderasyon sa tagbalay ug maghunahuna sa iyang kahimtang, interes, ug gikabalak-an. Mas maminaw siya kon iyang mamatikdan ang atong personal nga interes, dili lang kay duna tay misyon sa paghatag ug mensahe o literatura.
Sulayi Kini Niining Bulana:
Pagpraktis niini panahon sa inyong pamilyahanong pagsimba, o lagmit diha sa pagsangyaw, diin ang magmamantala magpahiuyon sa iyang presentasyon sa kon unsay giingon sa tagbalay.
Panahon sa tigom sa dayon nang pagsangyaw, mahimong hisgotan o ipapasundayag sa brader nga magdumala ang mga paagi sa pagpakitag personal nga interes.