Imo Bang Sundogon ang Kasibot ni Jehova ug ni Jesus Panahon sa Memoryal?
1. Unsay gipaningkamotan sa mga Saksi ni Jehova panahon sa Memoryal?
1 Si Jehova masibotong nagtuman sa iyang kabubut-on. Bahin sa mga panalangin sa Gingharian, ang Isaias 9:7 nag-ingon: “Ang kasibot mismo ni Jehova sa mga panon ang mobuhat niini.” Ang Anak sa Diyos nagmasiboton sab sa matuod nga pagsimba panahon sa iyang ministeryo sa yuta. (Juan 2:13-17; 4:34) Kada Memoryal, minilyong Saksi sa tibuok kalibotan ang naningkamot sa pagsundog sa kasibot ni Jehova ug ni Jesus pinaagi sa paggugol ug dugang panahon sa ministeryo. Usa ka ba kanila?
2. Kon kita masiboton, unsay atong himoon sugod sa Marso 7?
2 Kampanya sa Memoryal: Karong tuiga, ang kampanya para sa Memoryal magsugod sa Sabado, Marso 7. Pagplano na aron mas makapakigbahin ka sa ministeryo. Ang mga kongregasyon naghinamhinam nang makobrehan ang ilang teritoryo. Paningkamoting maimbitar ang imong mga Bible study, balikduaw, katrabaho, paryente, ug eskolmet pinaagi sa paghatag nilag imbitasyon o paggamit sa jw.org/ceb.
3. Unsaon nato pagpalapad ang atong ministeryo sa Marso ug Abril?
3 Oksilyare Payunir: Ang kasibot modasig sab nato sa pagpalapad sa atong ministeryo. Seguradong daghan ang mag-oksilyare payunir sa Marso ug Abril kay puwedeng 30 ka oras ang kab-oton. Panahon sa pamilyahanong pagsimba o personal nga pagtuon, palandonga kon unsaon nga makapayunir ka. (Prov. 15:22) Ang imong kasibot makadasig sab sa uban nga magmasiboton. Kon maghimo kag mga kausaban aron mas mapalapad ang imong ministeryo, imong gisundog ang kasibot ni Jesus.—Mar. 6:31-34.
4. Unsay resulta kon atong sundogon ang kasibot ni Jehova ug ni Jesus?
4 Maayo gyod ang resulta kon atong sundogon ang kasibot ni Jehova ug ni Jesus panahon sa Memoryal. Mas daghan sa atong teritoryo ang masangyawan. Kita mobatig kalipay ug katagbawan sa pag-alagad kang Jehova ug sa pagtabang sa uban. (Buh. 20:35) Labaw sa tanan, atong mapalipay ang atong masibotong Diyos ug ang iyang Anak.