Pagpauswag sa Atong Kahanas sa Ministeryo​—Pagbansay sa mga Bag-ohan

Kon Nganong Hinungdanon: Ang bag-ohang mga tinun-an ni Jesus kinahanglang motuman sa “tanang butang” nga iyang gisugo, apil niana ang pagtudlo sa kamatuoran ngadto sa uban. (Mat. 28:19, 20) Daghang bag-ohan ang mikuwalipikar na sa Teokratikanhong Tunghaan sa Ministeryo ug tingali nakasangyaw na sa ilang mga pamilya o higala. Pero dihang masabtan nila ang kaimportante sa ilang nakat-onan ug mahibaloan nga gusto ni Jehova nga madunggan sa tanan ang maayong balita, basig gusto na nilang makigbahin sa ministeryo. (Roma 10:13, 14) Human sila maaprobahan ingong di bawtismadong magmamantala, makatabang nila ang maayong pagbansay aron makabatog kompiyansa sa kaugalingon samtang himoon kining hinungdanong lakang sa ilang pag-uswag sa espirituwal.​—Luc. 6:40.