Importante ang Pagpangandam Aron Epektibo ang Pagpanudlo

Si Jesus kaduha gipangutana bahin sa kinabuhing walay kataposan, pero gitubag niya kini sa lainlaing paagi depende sa kon kinsay nangutana. (Luc. 10:25-28; 18:18-20) Busa, bisag pamilyar na kaayo ta sa tun-anan, kinahanglan gihapon nato ning tun-an depende sa panginahanglan sa atong estudyante. Unsang mga punto ang lisod para niya nga sabton o dawaton? Unsang mga tekstoha ang kinahanglang basahon panahon sa pagtuon? Pila ka parapo ang angayng hisgotan? Basin kinahanglang maghunahuna tag ilustrasyon, eksplinasyon, o mga pangutana aron matabangan ang estudyante nga makasabot. Ug tungod kay si Jehova man ang nagapatubo sa binhi sa kamatuoran diha sa kasingkasing, kinahanglan sab tang mag-ampo kang Jehova nga panalanginan ang atong estudyante, ang atong pagpangandam sa pagtuon, ug ang atong mga paningkamot sa pagtabang niya nga mouswag sa espirituwal.—1 Cor. 3:6; Sant. 1:5.