What Can the Bible Teach Us?—Kon Unsaon Kini Paggamit

Ang librong Teach Us (wala sa Cebuano) ug librong Gitudlo sa Bibliya parehas ra. Kining duha ka libro naghisgot sa mao ra gihapon nga kamatuoran ug sa samang pagkasunodsunod. Apan, ang librong Teach Us naggamit ug sayon sabtong mga pulong ug pangatarongan. Kini gisulat para niadtong naglisod pagsabot sa librong Gitudlo sa Bibliya. Imbes apendise, ang librong Teach Us dunay mga endnote nga naghatag ug simpleng eksplinasyon sa ubang mga termino ug mga ideya nga makita sa kapitulo nga gihisgotan. Ang mga kapitulo walay pasiunang mga pangutana o kahon para sa repaso. Hinunoa, kini dunay sumaryo sa mga kamatuoran sa Bibliya nga gipatin-aw diha sa kapitulo. Sama sa librong Gitudlo sa Bibliya, ang librong Teach Us mahimong itanyag bisan kanus-a, bisag dili kini mao ang tanyag nianang bulana. Unsaon nato paggamit ang nindot nga mga bahin sa librong Teach Us dihang magdumalag pagtuon sa Bibliya?

SUMMARY: Alang sa kadaghanan, ang atong naandang paagi sa pagdumalag pagtuon—ang pagbasa sa parapo sa librong Gitudlo sa Bibliya ug dayon pagpangutana—epektibo. Pero ibutang ta nga ang atong estudyante dili kaayo pamilyar sa pinulongan o dili kaayo makamaong mobasa. Kon ingon niana ang kahimtang, mahimo nimong gamiton ang librong Teach Us. Dayon, ang mga sumaryo sa kapitulo puwedeng magamit ingong basehanan sa pagtuon, ug puwede nimong dasigon ang estudyante sa pagbasa sa kapitulo nga siyasiya ra. Ang matag kamatuoran sa Bibliya mahimong itudlo panahon sa pagtuon nga mokabat ug mga 15 minutos. Kay wala man ilakip diha sa mga sumaryo ang mga detalye nga makita sa tun-an nga kapitulo, ang magmamantala angayng mangandam pag-ayo, nga maghunahuna kon unsay angayng pauswagon sa estudyante. Kon ang magmamantala magdumalag pagtuon diha sa kapitulo, ang mga sumaryo mahimong gamiton ingong repaso.

ENDNOTES: Ang mga termino ug mga ideya diha sa endnote gihan-ay sumala sa pagkasunodsunod niini diha sa mga kapitulo. Ang magmamantala mao nay mag-igo kon hisgotan ba o dili ang endnote sa librong Teach Us panahon sa pagtuon.